Muah panimmo

Tänne paginat kuduat ei synnytä piälolijoih forumoih

Valvoi: verkomuagari

BUTTON_POST_REPLY
Pekoi
Viestit: 356
Liittyi: 18 09 2008, 20:54

Muah panimmo

Viesti Kirjuttai Pekoi »

Pruasniekas olimmo Suistamol,a piätencän soitimmo ystäväle Levoile,ken jo talven on läzinnyh Läskeläs.Hänen mucoi jo primietti,taki etto kergie händy kaccomah.Suovattanhuondeksel lähtimmö da tulimmo kuolluon kodih.Olopertis magai Levoi keskucas laucal,parahat sovat piäl,katettu oli nyblätyl comal oddualal da yskäs oli suuri coma rouzu.Mucoi hänen meidy vastavui,itki da saneli puolen cuasun jälgeh meijän telefonandua jo Levoi kuoli,a häi pezi da kabrasti da suori pokoinniekan.
Bunukku itki toizel tsural da nuorimbazet oldih kravatis.Sebäimmö,dogadin,zirkalot oldih peitos,Galina-rukku meidy kucui muahpaniezih.Huomei,Pyhänpiän yhtenaigah Kalmoimuale.Kolmandennu päivänny!
Enembiä nygöi ei pie..
Ku ollou, vie kirjutan..
P.

Pekoi
Viestit: 356
Liittyi: 18 09 2008, 20:54

Re: Muah panimmo

Viesti Kirjuttai Pekoi »

Kuuzinedäliziin jälgipäivänny käimmö.Hyvin oldih Galinarukal omat keral.Talvi tiettäväine varaittau.Opimmo kävvä.

Pekoi
Viestit: 356
Liittyi: 18 09 2008, 20:54

Re: Muah panimmo

Viesti Kirjuttai Pekoi »

Pienen sumkaizen Galinale veimmö.On zobottuagi vai vie juumoruagi emändäl.Korjaizen on ostannu,suau vediä halguo sinccoh.Lumen ker varavolleh on.
Malitun ker heitimmö.

BUTTON_POST_REPLY