Vuvven 2018 ruavot?
Työnnetty: 06 01 2018, 20:54
Vuozi vaihtui. Mennyön vuvven kuukauzi- da vuozistatistiekat lövvytäh "Nevvuo foruman käyttäjäle" forumal. Elaigu jatkuu hil'l'akkazeh. Se tarkoittau ku hälyy on vähä ga ruaduo olis äijy. Mennyt vuon äijän aigua menetin tiedokonehienke borčuičendah da uuzien dieloloin opastundah "Robotiekkua da ohjelmoindua 9-99 vuodehizile" kursan däh, sidä borčua vie täydyy. Niilöis dielolois suau lugie https://karjalankielenkodi.net/uudizet/ sivuloil. Algannuon vuvven aloh onnuako äijän higie suammo valattua kielioppiprojektanke, kudaman pindua suau nähtä https://karjalankieliopit.net sivustol. Kudamidä uuttu toinah tulou tälle opastajat.net sivustolegi da forumah. Huavehis olis luadie kniigaine "robotiekkua da ohjelmoindua" kursan materjualois. Tiedotehniekku -kirju pidäs päivittiä. Engo ni ole hyllännyh ajatustu luadie karjal-anglii-karjal -sanakirjas -suomi- sanakirjan pohjal, kerrinnengo konzu, monengo vuvven peräs? Ruan vie.