Runostu pidäs löydiä

[Maria]

Minun pidäs huomizekse eččie runostu libo muudu pikkarastu tekstua. Keriän fotokuvua Iivon enzimäzes vuvves da erähil kirjan sivuloil vie ei ole sivun tiemah pättäviä tekstua. (Se on nämik kniigoi, midä voibi tilata omien kuvienke netači). Juulin enzimäzes vuvves on luajittu yhtenmoine, no se on suomekse. Sidä luadijes en vie maltanuh karjalakse muga, ku olizin sen luadinuh karjalakse.) Yhtel sivupuaral on monenmostu kuvua Juulis da Iivos yhtes. Yhtel sivupuaral on kuvua, kus Iivo on minul libo Mikol slingas/repus. Yhtel sivupuaral on syömizih liittyjiä kuvua puolivuodehizes vuodehizessah.
1v-pruazniekkah näh on kuvua yhtel sivupuaral da sit jälgimäzele sivule pädis pitkembigi runo. Sit oli vie tekstatoi sivupuaru, kudamas on kuvamustoloi talvel da keviäl. Nämil sivuloil vie ei tekstua ole. Pidäy huomei ottua tukku kniigua da ruveta livuamah. Olizin hyväs mieles, ku ollus keneltahto vihjata runuo libo kniigua, kus voizin kaččuo (ku löydynöy se meijän pualičalpäi) hyviä nämih tiemoih liittyjiä runostu :)

[Maria]

Vie yksi runo olis ečittävänny. Runo, kudai pädis sille sivupuarale, kus on kuvua Iivon 1v-roindupäivypruazniekas.

[Sinilind]

Runoloinke en malta ni avvuttua, ga tahtoin vai sanuo, ku on ylen čoma da hyvä nengoine enzivuozikirju! Lapsethäi ollah moizet pienet vaiku kerran. No tiettäväine hyö ičelleh ainos ollah pikoi pikkarazet, oldih sit rupikkahat nänniniekat libo rupikkahat starikat, ga hyvä on olla dokumentua aijas, konzu hyö oldih pienii muijengi silmis. Lapselgi sit vähästy vahnembannu on ylen vessel kaččuo kniigua da diivuija, "A muamo, tottugo olin moine mieletöi?"

[Maria]

Muga Juuligi rakkahal "omua" kirjua lugou da suvaičči sidä jo pienenny. Mollembat kirjat roitah kudakui yhtenjyttyöt. Tagakannes on Juulin kirjas e.zimäine kuva midä on otettu mostu, kus on kai meijän pereh, kai kolme meijän divanal,da sit Iivon kirjas yhtenjytyi enzimäine kuva, kus kaikin nelli olemmo, samaizel kohtal meijän pertis Sit menöy kirjas kai vuozi muga, ku sivupuaroil on eri tiemua. Ezmäzel kuvii enzipäivis, konzugo pikkaraine rodiihes, konzugo puutuimmo kodih kai pereh, kedäbo gostis kävyi. Sit on kaikenmostu muudu tiemua kuvinnu eri sivuloil, yhtel enzimäzen kezän/talven mustoloi, kuvua enzimäzes matkas, enzimäzes rastavas, i m.i. Sit yhtel sivupuaral imetyskuvua ihan pikkarazes vuodehizessah (hos ei imetys lopeh vuodeh, no kirju loppuu), yhtel sivupuaral unikuvua, yhtel sivupuaral sizärekset yhtes, yhtel sivupuaral monenjyttymiä kuvua kus pikkarastu kannetah slingas libo repus, yhtel sivupuaral kuvua konzu rubei syömäh muudugi ku maiduo, segi kai kuvua puolivuodehizes vuodehizessah). Muga ielleh sit, ku jälgimäine täyzi sivupuaru on 1v-roindupäivykuvua da sit jälgimäizel sivul kuva 1-vuodehizes kuldulinduzes

Puutui löydiä runostu da sain kirjan valmehekse. Se pidi tänäpäi suaha, ku tänäpäi sai huogiembal hindua :p Juulin kirjas ei moizii runozii ole, vaiku jälgimäzel sivul. Muite on enämbi vaiku kirjutettu vähäine eri kuvih näh. No tämän tahtoin luadie muga, ku on joga sivupuaral vie hos pikkaraine runoihut, ku voibi sit niidygi lugie hos Iivonke yhtes kirjua kaččojes.

[Sinilind]

Ylen hyvä, ku lövvit viimezen runozen! Suuri ruado luadie moine kirju, a tiettäväine se on tuhat kerdua ruavon arvoine.

Jogo sait kirjan käbäzih? Kuspäi tilait?