Kieli vai ruutat?

[mp]

Frankfurtan kirjujarmankal teemannu on Suomen kirjalližus da sendäh se on vedänyh paikale Suomen prezidentan da tukun kirjuttajii. Lehtikirjutuksen mugah (HS 8.10.2014) Sofi Oksanen kritikuičči, ku Ven'al pienien rahvahien annetah ozutella kanzallisruuttii, a kielii painetah. Toven sanougi, ga ielleh, vihjaten neftih, häi sanou, ku "Suomelazet voimmo olla ozakkahat sendäh ku meil on vaiku seksatoindu meččiä." Kuibo karjalazet? Karjal on kurjal, a juohtuu mieleh Jaakko Tepon pajos bohattua leskie koziččijan mužikan sanat: "Pittää suora olla eikä aatella pahoja niin kuin maallista mammonaa ja mehtärahoja." Karjalan mečät oldih da ollah Ven'an da Suomen interesois. Meččien däh karjalazien ozakse on puuttunuh ozutella ruuttii, ei paista omal kielel. (Sivuhuom. Nämmii sanoi ečin Wikipedias, kudai ezittelöy Jaakko Tepon "karjalastunnuokse savolazekse". Tozihäi on ihan toizinpäin: JT on savolastunnuh karjalaine (suistamolaine), kudai muutti Pohjas-Savospäi savolastunnuoh Pohjas-Karjalah)