Walkie-talkie ohjelmat opastundas?

[mp]

Walkie-talkie telefonas vaiku yksi pagizou yhtelaigua, a yhteh gruuppah voi kuuluo kolmesaduagi. En tiijä ongo se haittu, a pidäy varata sidä ku niken ei liigua suvaiččis omua iändy (*). Nyblän painandan voi sežo azettua CapsLock tabah, painaldua paginan allus da lopus. Perusteh, mindäh Zelluo libo Voxerua ehtotin, oli se ku telefonan lizäkse ei pie muudu vehkehty, da se toimiu ylen kaijalgi internettu-yhtevyksel, äijiä kaijembal migu ezim. Skype. Pidäs vai käytändös oppie, mih se pädöy. Ezim. kniigan/lehten luvendah yhtes se vois pädie.

Toine tavoiteh vois olla yhtistiä kaksi (libo enämbi) zualua videokonferensii libo audiokonferensiiohjelmal. Täs pidäy olla konferensiitelefon, videonke videokonferensiikamera, da äijiä parembi internettuyhtevys. Dengua täh sua menemäh hos min verran. Toinah vois luadie tiettyh tilandeheh pädijän konferensien huogielgi.

1-1 telefonyhtevyksih internetači vikse hyvä ohjelmu olis Viber, da 1-1 televideoyhtevyksih se buito olis Skype. Vaihtoehtoloi nämile tiettäväine on. Minul ei ole olluh käyttyö nämile, en tiijä parembi.

A minun interesois iellehgi olis nähtä mih Zello pädöy. Pädisgo 10 hengen kursoih. "Kursal" ellendän miäräaigah piettylöi urokoi, kudamih pidäy ruadua kodiruavot edukädeh. Löydyygo meijän joukos hos kolmie, ket voidas azendua Zello telefonah, ku voizimmo opitella?

(*) 20 sekundan jälgeh kentahto toine voi keskustua.

[Maria]

Minul hos omas ei ole, voin Mikon telefonal käyttiä. Tiedokonehehgi sain ečittyy mikrofonan. Konzugo olis kolmas?

[Maria]

Nengoman urokoih pädijän programman ližäkse minuu himoittas mittuinetahto virtualnoi karjalaine perti, kunne suas mennä. Moine, migu zellos, karjalaine kanualu, kudai vois olla piäl silloi-toiči hos kkk:n pertis, sit toizis kohtis olijat voitas yhtyö sih kanualah. Moine, kudai ei olis migu skypes, kus pidäy "zvonie" toizele da toizen vastata, no kus suas paista moni yhtelaiguagi. Sit en tiijä midä toizii skypen jyttyzii on, no segi hyvin pädöy ei vaiku yksi yhten kel paistes. On pietty kerähmölöi sen vuoh.

Ga ezmäi ku ollus hos se yksi kudamua käyttiä kuitahto. Huomei enne puoldu päiviä voi olla ehtizin zelluo oppie, libo ehtäl. Kuibo toizet ?

[mp]

opimmo illal, hos kahtei ku ei löydyne enämbiä

[mp]

Terminy "virtualine" muga kui viittuas ei-tovellizeh pertih? A ku yhtevys pidäs olla pertis pertih, sit se buito tarkoittau videonevvotteluu. Videokuvan suas siirdymäh meččuiččijoin elättikameral, kudaman vois ripustua "veikikse" seinäle. Parembazet kamerat automuattizesti kiännytäh pagizijah päi. Suomen zakonoin mugah sit pidäs ilmoittua, ku tilas on videovardoičendu. Putilline iänen suandu pertin joga kohtas on vaigiembi, hyvät nevvottelutelefonat maksetah. Iänen siirros juamanlevevyttygi tärgiembi on yhtevyksen häirivöttömys da tazaine, pieni latensu, ku iäni ei katkeilis. Jatkui tiedovirdu muas toizeh, arbuan, ei tule ilmai. Ku olizimmo bohattu firmu, nengozengi vois luadie, a meile tyhjykormaniloile se minun mieles ei olis realistine. Hos skypen suau ilmai, oigei videonevvottelusistiemu vältämättäh maksau tuhanzii euroloi libo enämbän. Miäryaigazet videourokat pienel joukol kaijal juamanlevevyksel skypen libo eikaupallizen videonevvottelusistieman vuoh toinah vois todevuttua, ga pidäs tarkah duumaija, mittuine on se konkriettine tilandeh.

[mp]

Ei löydynyh koitehelättilöi suurembah eksperimentah, a vähäzen kogemuksen jälgeh viegi ruohtin sanuo ku Zello olis pättävy ohjelmu moneh gruuppuopastundutarkoitukseh. Mindäh?
- gruuppuominazus
- vähäzet resursuvuadimukset: Suomen hinnoil moizen telefonan suau al suan euron, liittymän internetanke kolmel eurol kuus (rajoittamatoi käyttö)
- joga ohjelmal on käyttöhottokynnys, a sen jälgeh käyttö on kahten kolmen solmel čökkiändän tagan
Aksentiiruičen vie sidä, ku tämän ohjelman käyttötarkoitus on eri migu ezim. Skypel (1-1 videotelefon) libo Viber (telefon intrnetači).