Kuulumizii

[ruisräkäččy]

Hyvä matku! Prosti huomaičus nimilöis. Tuukselazet kaikin jo ei ičegi tietä ku heijän kylän nimi on Tuuksi. Nuožarvi kirjutetah nenga. Kinnermägeläzet ičegi nygöi kirjutetah kylän nimekse Kinnermy.

P.S. Dorožniekat onnuako ruvetah luadimah čottu dorogan kulutukses, muga äijy on kävijiä KKK:lluo.

Passiboičen nimihairehiin korjavukses . Olenhäi nähny kui kirjutetah, vai mene tiijä lienöygo piä jo happanou vahnetes

Täh karjalan kieleh vie...Nu tiettäväine nämmis kylis kudamis kävyimmö, tahtoin iče paista karjalan kielel. Eihäi äijiä ristikanzoi olluh kudamii pagizutin, vai hyö kenen kel paginan karjalakse aloin, karjalakse paistih. Minule on helpompi paista karjalakse kui venan kielel.
Muitegi myö kursuniekat opimmo omasgi joukos paista karjalakse hos lomamatkal olimmogi .

[Pekoi]

Piätencyhuondeksel lähtemmö autobusal Karjalah.Pluanois olis Sordavala,Anuslinnu,Syväri,Kotkatjärvi,Vuazjärvi,Priäzy,Petroskoi,Vieljärvi,Kinnermy...
Täl kerdua keral on äijän karjalaksemaltajua.Hyväsmieles vuotammo...

[kat't'i]

Piätencyhuondeksel lähtemmö autobusal Karjalah.Pluanois olis Sordavala,Anuslinnu,Syväri,Kotkatjärvi,Vuazjärvi,Priäzy,Petroskoi,Vieljärvi,Kinnermy...
Täl kerdua keral on äijän karjalaksemaltajua.Hyväsmieles vuotammo...

Oho, minä vaste tulin järilleh Tverilpäi, kus olimmo keriämäs karjalua universtitetan opastujienke. Sie ristikanzat oldih ylen gostikkahat da pakittih juomah čuajuu dai syömäh piiruadu. Voizi eliä muga, kulgie talos taloh da paista. Kaikin suittih vastata kyzymyksih, hos oldih heille vähäzen kummat, da častuskuagi saimmo puaru.

Ga kielen oza eullun ylen hyvä sil čupul, kus olimmo. Maltajua ual viijenkymmenen vuvven eullun n'i yhty. Duumaičen, što kieli kadou Tverilpäi vuottu 2100 ennen, ku ei nimidä ruveta ruadamah.