HS ei jullannuh

[mp]

Taričin Helsingin Sanomien lugijoin mieli sivule alolijua kirjutustu (suomekse). Ei kelvannuh:

Lougiellizesti kodimaizien kielien puoles

On suuri oigevus suaha käyttiä muamankieldy. Ga ei pie unohtua, ku kielen käytös on kaksi puoldu: pagizii da kuundelii. Oigevus opastuo muamankieldy ei ole tarbehekse, pidäy olla niidygi ket ellendetäh. Nikui ei voi garantiiruija ellendysoigevuttu kaikile ket vai satunnaizesti kävväh muas, a hyvä olis ku sidä opittas tarita hos oman muan rahvahile da kodimaizile kielile. Suomen školis tädä idejua todevuttau käziteh "toine kodimaine", toizin sanojen se, ku opastujua enimyölleh opastetah muamankielel, enzimäzel kodimaizel, a hänen sežo pidäy opastuo tostu kodimaistu. (Sendäh ven'a ei ole vaihtoehto ruočin kielele!) Tämä printsippu on erinomaine da pädis eksportutuottehekse, a sidä soveldetah liijan ahtahasti da ebälougiellizesti. Kui Kari Kyrö kirjuttau (HS 14.3.2012), saamelasalovehel pidäs voija ottua saami toizekse kodimaizekse kielekse. Mindäh ei toizingi päin. Lougielline, tazapuoline poliitiekku olis nengoine: Kodimaizii kielii ollah, ijän mugah, saami, suomi da karjal, da ruočči. En rubie sanomah, pidäsgo täh luvetteloh lizätä kielii da pidäsgo luvetteluo soveldua alovehellizesti - Europan Nevvoston vähembistökielien peruskirju vihjuau kui luadie. Kodimaizien kielien luvettelos opastui valliččou yhten kielen enzimäzekse kodimaizekse da toizen kielen toizekse kodimaizekse. Nenga kodimaizien kielien käyttö roih turvattu.

[riäpöi]

Oigies voibi olla, a suaja oigevuttu on toine dielo.