"Zakon, kudamua ei roinnuh"
Valvoi: verkomuagari
-
mp
- Viestit: 2108
- Liittyi: 05 08 2008, 19:45
"Zakon, kudamua ei roinnuh"
Aijembas "Kielipoliitiekkua 90-luvul" teemas kirjutin kielizakonprojektas Karjalas. Sidä algajes en ni arvannuh, äijängo sit teemas kirjutettih Omas Muas. Minul oli tarkoitus kirjuttua yhtehvedo niilöis kirjutuksis da muitegi yhtehvedo kielipoliitiekan kiänälmyksis a se ozutihes jygiembäkse migu duumaičin. Sain jälgimäi "alfa-versien" moizes kirjutukses tukkuh. Sie toinah on vie vigua, vie en tunnusta sidä omakse tekstakse, yhtelläh riputan sen kačottavakse. Kirjutuksen pidäs valmistuo enne kuun loppuo. Älgiä sanokkua hyvä hyvä libo paha paha, a sanokkua, ku ollou kyzyttäviä libo hairehii da kui vois parendua. (Kielihairehet voi kohendua myöhembi.) Kirjutus on tiä: http://opastajat.net/luvekkua/penttonen/ambui.html
-
sarikku
Re: "Zakon, kudamua ei roinnuh"
Luvin kirjutuksen sendäh gu se on lähäl minun omua teemua. Enzmäi, olet kirjuttannuh samas dielos kahtes libo kolmes kohtas, kirjutat nygypäiväs sit mennyös, sit nygyaijas sit Bubrihas. Kohenna nämmä, sit tulou lougiellizembi da lugiettavambi. Toizekse, ota iäreh Oleg Bobinan tiedo karjalazien lugumiäräs, se on taga-arvoine, se ei kuulu täh kirjutukseh. Kolmannekse, kaco tarittihgo kielizakonua parluamentale v. 2010 da mibö oli se vuozi konzu Karjalan konstitutsiedu muutettih (ei olluh 2011)? Nellännekse, enne enzimäisty kerähmyö piettih v. 1989 konferentsii, se oli karjalan kielen elävyttämizen algu, ei kerähmö.
Sit vie kaksi-kolme virkehty, minun mieles nämii pidäy kohendua.
Karjalazet allettih puuttuo ulgomualazikse omas muas. (ulgomualazikse - en ellendä)
- - muite kieldy ei voi pidiä nygyaigazes yhteiskunnas. (mugago ei voi?)
Voitettihgo ven'alazet. Heijän maineh kandurahvahien hävittäjinny kazvoi. (Muga ei sua sanuo!!!)
Kus ollah net suomenkielizet kirjuttajat - - muutettihgo Suomeh? (Ei muutettu Suomeh, muutettih tuonilmaizih.)
Sit vie kaksi-kolme virkehty, minun mieles nämii pidäy kohendua.
Karjalazet allettih puuttuo ulgomualazikse omas muas. (ulgomualazikse - en ellendä)
- - muite kieldy ei voi pidiä nygyaigazes yhteiskunnas. (mugago ei voi?)
Voitettihgo ven'alazet. Heijän maineh kandurahvahien hävittäjinny kazvoi. (Muga ei sua sanuo!!!)
Kus ollah net suomenkielizet kirjuttajat - - muutettihgo Suomeh? (Ei muutettu Suomeh, muutettih tuonilmaizih.)
-
mp
- Viestit: 2108
- Liittyi: 05 08 2008, 19:45
Re: "Zakon, kudamua ei roinnuh"
Sellitän vähäzen kirjutuksen roindua, mindäh rodih moine gu on. Toiston huomai ičegi da vähäzen kergeingi vähendiä, a pidäy vie duumaija, kui luadie. Kirjutukses on nelli rinnakkastu säijesty: histourii, zakon, kieli da suomelazet-karjalazet.
Kirjutuksen piäteemu on suomelazet-karjalazet. Yksielpäi suhtehet voijah olla sydämellizet yksilötazol, a järjestö- da valdivotazol nostes suomelazien riähkät nostah nägyvih: besserwisserismu, kunnivoimattomus, jenganlevittely, hyväksekäyttämine. Suomelazien abu karjalazile on kondienabuu, ainos konzu käbälii oijennat, luuloi katkieu. Tädä teemua rubein miettimäh puolen vuottu tagaperin da algujah huavain kirjuttua täs teemas Omah Muah.
Konzu Orto Stepanovan kirjutus puutui silmih, en arvannuh, mittuine langukerä kazvau sidä vedämäl. Sama karjalazien alamažus toizes kulmas kačotunnu. Zakondieluo da kielikyzymysty ei voinnuh ellendiä ilmai histourieh kaččomistu, täs oli suuri abu, paiči histourien kniigat, Austinan "The Karelian Phoenix". Kielizakonan kaikis kiänälmyksis en täyzin piässyh tolkuh, erähäs kohtas sanottih, ku kačottavakse tuli versii 13. Konstitutsien muutostu en voinnuh tarkah ajoittua. Tiedämättömäkse jäi segi, piäzigo Katanandovan vihjattu referenduman iärehottamine konstitutsies käzittelyh da vägeh.
Kerdomuksen urhoit ollah tavallizet karjalazet, kuduat sanotah: "tahtommo pidiä karjalan kielen sendäh ku olemmo karjalazet da se on meijän muamankieli". Urholoikse sežo luven net nimel mainitut tutkijat, kudamile sih aigah kieliruado oli enämbi migu ruado da palku.
Tarkoitus on kirjuttua ilmivölöis, ei ristikanzois. Toinah otan iäreh Bobinan nimen. Hänen kirjutustu nostin nägyvih sendäh, ku se oli ylen nägyi da muanittai, propagandistine suomipuolovehen kirjutus. Mainičin vai sen, kui kirjutukses tiedäjen libo tiedämättäh sevoitettih karjalakse pagizijat da suomelastunnuot karjalazet. (Vähästy myöhembi Viktor Stepanov öntästeli samah tabah!). Samas kirjutukses häi nimitti Vladimir Brendojevan suomen kielen kannattajakse, min Marija Brendojeva myöhembi kieldi omas kirjutukses. Da luvetteli omien mielien kannattajikse tukun livvikkölöi. Erähäl kyzyin, mugago oli. Oli päinvastoin.
Vie sanaine vienalaskirjuttajien Suomeh/tuonilmazih muuttamizes. Kirjutuksen om9621 rubriekas sanotah: "Kirjuttajat ollah vastah". Sen jälgeh midä on jullattu? O. Stepanov muutti tuonilmazih, A. Perttu muutti Suomeh, inkeriläine Mišin vie kirjuttau suomekse Karjalas, Carelia da Karjalan Sanomat vie jatketah Gyllingan perindyö. Suomenkielinekarjalaine kirjalluzus oli yksi piäargumentois, mindäh suomi, ei karjal, olis pidänyh vallita kirjukielekse. Ylen lujal pohjal se kirjallizus nygöi ei ole.
Elvytyksen alguhpanendan vikse kudakui oigein sanoin. Tutkijat pandih alguh oma ruado konferensies 1989 (om9651), Karjalazien Kerähmö rahvahan nimes piätti ottua karjalan omakse kielekse 1991 (om9649).
On vie kaksi nedälii aigua viessata sanoi. Pidäy vie tarkistella, tiivistellä, loitondua - midä kuivakkahembi tekstu, sidä mehevämbi syväindö.
Kirjutuksen piäteemu on suomelazet-karjalazet. Yksielpäi suhtehet voijah olla sydämellizet yksilötazol, a järjestö- da valdivotazol nostes suomelazien riähkät nostah nägyvih: besserwisserismu, kunnivoimattomus, jenganlevittely, hyväksekäyttämine. Suomelazien abu karjalazile on kondienabuu, ainos konzu käbälii oijennat, luuloi katkieu. Tädä teemua rubein miettimäh puolen vuottu tagaperin da algujah huavain kirjuttua täs teemas Omah Muah.
Konzu Orto Stepanovan kirjutus puutui silmih, en arvannuh, mittuine langukerä kazvau sidä vedämäl. Sama karjalazien alamažus toizes kulmas kačotunnu. Zakondieluo da kielikyzymysty ei voinnuh ellendiä ilmai histourieh kaččomistu, täs oli suuri abu, paiči histourien kniigat, Austinan "The Karelian Phoenix". Kielizakonan kaikis kiänälmyksis en täyzin piässyh tolkuh, erähäs kohtas sanottih, ku kačottavakse tuli versii 13. Konstitutsien muutostu en voinnuh tarkah ajoittua. Tiedämättömäkse jäi segi, piäzigo Katanandovan vihjattu referenduman iärehottamine konstitutsies käzittelyh da vägeh.
Kerdomuksen urhoit ollah tavallizet karjalazet, kuduat sanotah: "tahtommo pidiä karjalan kielen sendäh ku olemmo karjalazet da se on meijän muamankieli". Urholoikse sežo luven net nimel mainitut tutkijat, kudamile sih aigah kieliruado oli enämbi migu ruado da palku.
Tarkoitus on kirjuttua ilmivölöis, ei ristikanzois. Toinah otan iäreh Bobinan nimen. Hänen kirjutustu nostin nägyvih sendäh, ku se oli ylen nägyi da muanittai, propagandistine suomipuolovehen kirjutus. Mainičin vai sen, kui kirjutukses tiedäjen libo tiedämättäh sevoitettih karjalakse pagizijat da suomelastunnuot karjalazet. (Vähästy myöhembi Viktor Stepanov öntästeli samah tabah!). Samas kirjutukses häi nimitti Vladimir Brendojevan suomen kielen kannattajakse, min Marija Brendojeva myöhembi kieldi omas kirjutukses. Da luvetteli omien mielien kannattajikse tukun livvikkölöi. Erähäl kyzyin, mugago oli. Oli päinvastoin.
Vie sanaine vienalaskirjuttajien Suomeh/tuonilmazih muuttamizes. Kirjutuksen om9621 rubriekas sanotah: "Kirjuttajat ollah vastah". Sen jälgeh midä on jullattu? O. Stepanov muutti tuonilmazih, A. Perttu muutti Suomeh, inkeriläine Mišin vie kirjuttau suomekse Karjalas, Carelia da Karjalan Sanomat vie jatketah Gyllingan perindyö. Suomenkielinekarjalaine kirjalluzus oli yksi piäargumentois, mindäh suomi, ei karjal, olis pidänyh vallita kirjukielekse. Ylen lujal pohjal se kirjallizus nygöi ei ole.
Elvytyksen alguhpanendan vikse kudakui oigein sanoin. Tutkijat pandih alguh oma ruado konferensies 1989 (om9651), Karjalazien Kerähmö rahvahan nimes piätti ottua karjalan omakse kielekse 1991 (om9649).
On vie kaksi nedälii aigua viessata sanoi. Pidäy vie tarkistella, tiivistellä, loitondua - midä kuivakkahembi tekstu, sidä mehevämbi syväindö.
-
mp
- Viestit: 2108
- Liittyi: 05 08 2008, 19:45
Re: "Zakon, kudamua ei roinnuh"
Tämä palaine Akilan Iivanan Kolatsellän kielel kirjutettuu tekstua ozuttau mittuzes atmosfieras meni kielizakonpagin da ozin sellittäy minungi kirjutstu. Karhumäki täs vihjua Karjalazien kolmandeh kerähmöh.
-
mp
- Viestit: 2108
- Liittyi: 05 08 2008, 19:45
Re: "Zakon, kudamua ei roinnuh"
Rubieu kirjutusaigu loppumah. Riputin uvven versien kirjutukses endizeh paikkah opastajat.net/luvekkua/penttonen/ambui.html
Suuren vuitin kirjutin uvvessah, no ajatukset ollah endizet. Uudeh versieh minä kirjutin, ku suomen kielen pidäs suaha Ven'an Karjalas vähembistökielen suojua ukrainan da valgo-ven'an rinnal, net ollah immigrantoin kielet. Ei karjalan da vepsän rinnal, kuduat ollah kandurahvahien kielet da kudamien tulii aigu äijiä enämbäl rippuu Karjalan tazavallan toimehis. En tiijä, ruvetannehgo Ven'an Karjalan suomelazet minuu ambumah sendäh.
Suuren vuitin kirjutin uvvessah, no ajatukset ollah endizet. Uudeh versieh minä kirjutin, ku suomen kielen pidäs suaha Ven'an Karjalas vähembistökielen suojua ukrainan da valgo-ven'an rinnal, net ollah immigrantoin kielet. Ei karjalan da vepsän rinnal, kuduat ollah kandurahvahien kielet da kudamien tulii aigu äijiä enämbäl rippuu Karjalan tazavallan toimehis. En tiijä, ruvetannehgo Ven'an Karjalan suomelazet minuu ambumah sendäh.
-
mp
- Viestit: 2108
- Liittyi: 05 08 2008, 19:45
Re: "Zakon, kudamua ei roinnuh"
Työnnin "Zakon kudamua ei roinnuh" kirjutuksen edehpäi. Uuttu versiedy voi lugie endizes linkas http://opastajat.net/luvekkua/penttonen/ambui.html Syväindö äijiä ei ole muuttunuh. Kirjutukses viitattuloi Oman Muan tekstoi jo ei voi lugie opastajis.