Sivu 1, 1:s

Geneetiekallizen alguperän sellittäjät

Työnnetty: 19 02 2012, 11:15
Kirjuttai mp
Jälgiaijoinnu geenutehniekas on tulluh pättävy bruja monel alal, rahvahan etnizen alguperän tutkimuksesgi. Kirjutin täs dielos Omas Muas 2007/04, koupii täs linkas http://opastajat.net/luvekkua/penttonen/ketolemmo.html Sen jälgeh minul on moni kerdua kyzytty, ket luajitah mostu anualizua. Omua alguperiä sellitytin tämän linkan kauti:
https://genographic.nationalgeographic. ... index.html
Sivun oigies reunas on linku kui pidäy toimie. Heijän kauti tuattoliinien da muamoliinien sellittämine maksetah 100 dollarua plus verot da poštu, kumbazesgi erikseh. Pidäy vai tikul kruabie kielen bokas soluu (kl'etkua) da työndiä laboratourieh bankazes. Nedälilöin peräs hyö ilmoitetah tulos. Minun tuattoliinii on R1a1a da muamoliinii U4, ilmoitetah tarkembuagi tehnillisty tieduo da liziä maksamal vie enämbi. Anglien kielel suau lugie, kui ellendiä tuloksii, ezimerkikse ozutetah moizet kartat:
Kuva Kuva
muamo da tattoliinielöis. Eri lähtehii yhtistelemäl piirrin mainittuh kirjoitukseh niškoi kuvan aigutiedoloinke:
http://opastajat.net/luvekkua/penttonen/reitit.jpg
Toine mieldykiinnittäi šeikku on, kus nygöi löydyy geenurodnii. Internetas lövvytäh moizet kuvat, tuattoliinien ozal vähä yllättävägi, täs mainitah "kurguanuteoriedu":
http://en.wikipedia.org/wiki/File:R1a1a ... bution.png
http://u4haplogroup.blogspot.com/2009/1 ... n-map.html

Re: Geneetiekallizen alguperän sellittäjät

Työnnetty: 19 02 2012, 14:16
Kirjuttai riäpöi
Enne nimidä geenilöi ei inehmizes olluh. Kai tiijettih kuspäi oldih rodužin. Nygöi pidäy bumagua suaha sih niškoi Ameriikas!

Re: Geneetiekallizen alguperän sellittäjät

Työnnetty: 19 02 2012, 16:52
Kirjuttai mp
Eibo tietty. Bogdanovii, tuatattomii lapsii ainos on olluh. Oli muamattomiigi. Muumitatan mustelmien enzimäine lugu algau nenga: "Ylen ammui tuulizennu da syngänny sygyzyn illannu muumiloin löyttölapsien koin pordahil oli löytty tavalline ruskei bumuagupakiettu. Da sie magain minä, ihan suremata lehtih kiäritynny."

Re: Geneetiekallizen alguperän sellittäjät

Työnnetty: 19 02 2012, 21:48
Kirjuttai Olói
Meijän rodn´as on starin ku meile 150 vuottu tagaperin tuodih lapsi Piiterispäi. Nygöi himoittau työndiä omii soluloi Amerikah, nägyygo sit ongo siniverizii rodnás? )))

Re: Geneetiekallizen alguperän sellittäjät

Työnnetty: 20 02 2012, 09:42
Kirjuttai mp
Olói kirjutti: nägyygo sit ongo siniverizii rodnás? )))
Tovennägözembi löydyy piäniekkua da kontrabandistua...
Genographic projektan piämielenkiindo on pitkäs matkas Afrikaspäi nygözile eloisijoile. Geneettizet tutkimukset hyö luajitetah FamilyTreeDNA nimizes firmas. Omat nimi da sugutiijot voi andua tälle firmale da siepäi voi ilmai suaha tieduo geenurodnis. Minä annoin omat geenutiijot heijän tiedokandah, ga en ruvennuh tarkembii sugusellityksii kirjuttamah. Sain tiediä kymmenkundu geenurodn'ua muamoliinien kauti, enimyölleh Suomes eläjät, da nenga kaksikymmendy tuatanpuolistu geenurodnua, enimyölleh ymbäri muailmua. A monengo Ven'an karjalazen tiedoloi heil on? Tämänjyttysty tieduo ilmai lizämaksuu. FamilyTreeDNA kuhkuttau lizämaksus ottamah uvvet solunäyttehet da suaha tarkembua tieduo, ga minä en tahtonuh omii piäniekkoi tiediä.