Kitai čakkai Suomie da Ruoččii

[mp]

Helsingin Sanomien 18.6.2011 mugah Kitai čakkai Suomie da Ruoččie saamen kielen hävittämizes EU:n da Kitain ristikanzanoigevuksii šeikuiččijas kerähmös Beijingas egläi 17.6. Voizigo heidy pyydiä i čakkuamah Suomie da Ven'ua karjalan kielen hävittämizes? Suomi da Ruočči oldih opittu sellittiä ku hyö ollah luajittu kaiken min voijah nämien kielien pellastamizekse.Tiettäväine Kitai on oigies da Suomi da Ruočči kielastetah. Tiettäväine tovelline syy Kitain paginah ei olluh se, ku hyö tahtottas avvuttua saamelazii, a se, ku EU oli čakannuh Kitaidu uiguriloin, tiibetiläzien da mongoloin muokkuamizes da hyö ei tahtota muuttua omua poliitiekkua – ku sinuu viäritetäh, älä rua nimidä viäryön kohendamizekse a viäritä toizii. Midä täs voi opastuo? Kitais emmö elä, a voimmo mustoittua omii halličuksii EU:n vähembistölöin suojelun ramkusobimukses da vähembistökielien peruskirjas (libo "harties" kui Ven'al sanotah). Ku tovengi olis "kai ruattu - libo hos vähäzen" omien vähembistölöin hyväkse, sit hyvä olisgi muailmal ozutella ezimerkii eigo tarviččis huijustella.