Ideju kielen elävyttämizeh

[sarikku]

Olen opastajannu kursal Varovanalazet kielet, kielipolitiekku da kielten elävyttämine. Ezmässargen luvendol kuundelimmo opastujien kehittämii elävyttämisprogrammoi. Sit meil tuli paginua dengois. Eräs opastujis kyzyi, voizigo dengoil ostua kielenpagizijoi. Äijängö pidäs muamale da tuatale andua dengua ku hyö ruvettas kois pagizemah lapsienke karjalakse? Kerran vuvves piettäs testu: malttaugo lapsi karjalakse paista. Malttanou, sit annetah dengat tuliekse vuvvekse, ei maltane, sit dengoi ei anneta. Tämä oli ylen mieldykiinnittäi teemu, äijän pagizimmo. Da minule tämä duumu jäi piäh! Kuz löydiä moine bohattu kudai andas dengat karjalan kielele da olizgo tämä pättävy elävyttämisruado?

[opastai]

Olen kuulluh tämän mielen jo ennegi. Toinah ihan tyhjy ruado! Kieleh harjaittua suau maksajen, ga toven karjalazekse lastu et kazvata.Terväh rubiemmo maksamah muamale da tuatale lapsen kazvatandas, a lapsele - vahnembien sanan kuulendas. Tuli mieleh muaman "Avoi-voi, meijän elaigua.Muailmu on mennyh!"

[Olói]

Minä panizin den´goi karjalan kielen stuatussan nostamizeh (muuzikku, kultuuru, radio da tv-programmat)