Ogg Vorbis iäni Internet Explorerah?

[mp]

Microsoftal on oma häviölline (kučistettu) iäniformuattu wma, kudaman hyö tahtottas monopolakse, sendäh Windows ei rubie automuattizesti ellendämäh toizii iäniformuattoli, ezim. Ogg Vorbisua. Olen harjavumatoi Windowsan käyttäi - joga kuudu en Windowsua ni avua - sendäh minul meni päivy sen šeikuiččemizeh, kui kuunnella oggua Windowsas.

Tilandeh on tämä: Ni Internet Explorer (IE) ni Windows Media Player (WMP) ei ellendetä Ogg Vorbis kučistettuu iäniformuattua. Kuibo eliä?

• Voi ottua käyttöh muun livaimen. Firefox oggua ellendäy, mugai Chrome.
• Voi ottua käyttöh muun meediisoittimen, kudamat ellendetäh oggua. Nengomii ollah ezimerkikse vlc, foobar, winamp da mplayer. Nämmä soittimet ollah suuret ohjelmat, kudamat ellendetäh äijii eri formuattoloi. Yksin vorbisan soittamizeh vois pädie mitah pienembigi ohjelmu.

Voibigo Internet Exploreran suaha ellendämäh Ogg Vorbisua? Voi, ken maltau. Tarkembi sanojen IE:n voi suaha käyttämäh ulgopuolistu koudekkua soittamah oggua. Periuattehes se tapahtuu nenga.

• pidäy olla mittuine tahto soitin ogg formuatale
• Windowsale pidäy ilmoittua Registry tiijostolois, mittuzel ohjelmal mittustugi tiijostuo kaččuo/kuunnella/...
• Konzu IE:le vastah tulou .ogg loppuine tiijosto, se kaččou Registry tiijostos soitto-ohjelman da käyttäy sidä.

Erähät meediisoittimet, ezim. vlc, azendajes päivitetäh Registry tiijotgi. Sendäh ogg rubieu kuulumah IE:s. Pidäy vai azendua vlc, ei muudu.

A kai iänisoittimet vältämättäh ei päivitetä Registryä. Azendin xiph.org sivustol löydyjän koudekan kudai andau WMP:le ogg-malton. Sen jälgeh azendin vie WMPTagPlus nimizen ohjelman. Tämän jälgeh WMP rubei hyvin soittamah tiijostoloi, kudamien nimes on .ogg liiteh. Ga IE ei viegi ruvennuh soittamah .ogg loppuzii tiijostoloi. Iänitiijostoh tiijosto.ogg tulduu se rubei sanomah, ku en tiijä midä ruadua .ogx tiijostoloinke. Mindäh häi lugou .ogx hos tiijoston nimeh on kirjutettu .ogg? Edehpäi piäzemizekse pidäy lizätä Registry tiijostoh rivi, kudai käsköy soittamah .ogx tiijostot (xiph-tävvendetyl) WMP:l libo muul ogg-soittimel. Minä sain IE:n soittamah oggua kohendetul WMP:l, ga en rubie täs tarkembi sellittämäh. Registryn sevoittamal voi sportie Windowsan.

[mp]

Täl frontal on hyviägi uudistu. Mennyt nedälil luvin engadget.com verkouudizis, ku Microsoft uskaldau ruveta tugemah HTML5:n WebM kuoriformuattua IE9 livaimes. Sen jälgeh iänen da eläjän kuvan riputtamine verkosivuloile kebjenöy. Nygözes HTML4:s ei ole standartua iänen da videon ezittämizekse. Livaimilois Firefox ellendäy Ogg Vorbis iändy da Ogg Theora videokuvua. WebM:s iänikoudekannu on Ogg Vorbis da videokoudekannu VP8, kudaman Google on ostanuh ilmazekse da avoimekse. (Skype käyttäy VP7 koudekkua iäneh, da Theoragi on suannuh allun VP3:späi). Nämien videokoudekoinke kilbailou vie patentiiruittu da kaupalline H.264 (libo MPEG4).

[mp]

Kui piäl sanottu, azendamal vlc meediisoittimen suau IE:n ellendämäh Ogg Vorbis tiijostoloi. Toine meediisoitin, kudamua monet pietäh parembannu, on mplayer (Sil minä ičegi kačon videuo da kuundelen monenjyttimii iänitiijostoloi da cd:löi linuxas; Windowsah en ole azendanuh engo ole kaččonuh ruadaugo IE:späi kui VLC, ga midäh ei ruadas). Se on tiä: http://downloads.sourceforge.net/smplay ... -win32.exe Tiijostonnu smplayer on pienembi (14 MB) migu dlc (20 MB). Ga täl aijal toinah paras nevvo on azendua uuzi Firefox 4.0 livain - kogonaine livain zip-kučistetunnu on vaiku 12 MB da se nengozenah maltau oggat soittua. Se löydyy ozuttehes http://www.mozilla.com da azenduu kaksi kolme kerdua hiiren nybliä painaldamal.

[Ruisräkäččy]

A voi voi voi...Minun tiedokonehes on molembazet, explorel da mozillan firefox. Nu, blondinnu vaste nygöi proubuičin firefoxii . Ylen hyvin ruadau. Passiboizet mp.l infos.

[mp]

Vastavukses ellendän ku normualizesti käytät IE livaindu. Opiitgo azendua vlc soitindu, sehäi ičekseh azenduu. Sen jälgeh oggua vois soittua IE:späigi.

[Ruisräkäččy]

Tottu, käytän IE livaindu. En opitellu azendua vlc soitindu. Duumaičin, sua taki nygöi Firefoxigi ruadau