Rubiemmogo ongelmis kirjuttamah?

[velli]

Rubiemmogo tal fourumal ongelmis da pahis kohtis kirjuttamah?vai rubiemmo vai toine tostu kiittamah? mostu kiitandia joga kohtas kuulemmo, a vahago on meil ongelmua?Ottua hos meijan karjalankielisty literatuurua:kuzbo runot rakkahuos, ei omah kieleh da roindumuah, a mihen da naizen rakkahuos? Kusbo nygyaigazet kerdomukset, a ei mustelmat ennevahnazes elaijas? Minul ei kiinosta aijygo skolua on, kus opastetah karjalan kieldy, kiinnostau, se, kui opastetah. Toine tostu myo maltammo kiittia, a pravvan kusbo suammo? Ollahgo Mieldy myo TV programmat,Oma Mua gaziettu? Minul ei olla. Gaziettua vai penziel olijoile suau lugie...Jatkammogo besedyo?

[mp]

Hyvä velli, suuri passibo paginah yhtymizes. Erähis kohtis olen yhty mieldy, toizis kohtis tiettäväine eri mieldy. Minule miedykiinnittäjii ei olla "hyvä hyvä" eigo "paha paha" paginat, a net paginat kuduat lövvetäh pahas hyviä da hyväs pahua da opitah piästä edehpäi. Minun mieles meis karjalazisgi on liigua pravvantiedäjän da shokanpergajan vigua. Äijän on nevvojua a vähä ruadajua. Ku niken nimidä ei rua, se ei haittua, a ku ken midä ruadannou, jo pahoi ruadau. Yhtelläh parembi sanuo da olla ruadamattah migu olla ruadamattah da sanomattah, da kaikkii pahin muga sanuo, ku ruadajat ruvettas ruadamattomikse.

Tämä forumu da opastajat.net sivut liitytäh opastus- da kul'tuurukontekstah ga välläh. Monenluadustu kirjutustu voi jullata opastajat.net/luvekkua ozastos, mittumii vai voi andua školalapsiengi lugiettavakse. A ku školat ruvetanneh salbuamah piäzyn nämmile sivuloile da forumale, sit kai on mennyh sudre. Ga syndyyhäi Internettah forumua joga luaduh, ku vai ollou kirjuttajua. Minun mieles olis hyvä gu hos tämän foruman kauti opastajat suadas tiediä kui menöy školaopastus toizis školis. Mones kohtas menöy pahoi ka toizis kohtis menöy parembigi. Tiediä toizien školien tilandehes vois avvuttua iččie edehpäi. Jogahine voi ičel kyzyö, olengo ruadannuh sen min voinnuzin.

Oma Mua lehtes minun mieli on, ku se on paras mahtolline. Se on institutsii mi toinah kaikkii enimbän on viennyh edehpäi livvin kielen kehitysty. Se ruadau joga nedäli tämän dielon hyväkse. Tiettäväine, moine lehti, mittuzet lugijat, kirjuttajat da palkanmaksai. A kenbo maksau toimittajien palkan? Ku kerännet kymmene tuhattu tiluajua da ečit sada kirjuttajua, sit voit perustua toizenluaduzengi lehten.

Täs dielos olemmo yhty mieldy, ku karjalan kieli ei voi siirdyö tulijah aigah tulemattah täh aigah. Iče en ole kirjuttanuh ni yhty mustelendukirjutustu da läs joga kirjutukses olen mustoittanuh sit, ku karjalazien pidäs olla toizii uvvenaigazembat, sit toizetgi ruvettas karjalakse pagizemah. A kunnivoičen niidygi, ket hyvin maltetah kirjuttua karjalakse vahnois aijois. Hyö tožo maltetah kerduo, kui karjal puutui moizeh alasijah. Segi pidäy tiediä da ellendiä, vaste sit siidy siiričigi voi piästä.

[velli]

[Äijän on nevvojua a vähä ruadajua. Ku niken nimidä ei rua, se ei haittua, a ku ken midä ruadannou, jo pahoi ruadau. Yhtelläh parembi sanuo da olla ruadamattah migu olla ruadamattah da sanomattah, da kaikkii pahin muga sanuo, ku ruadajat ruvettas ruadamattomikse]
vastuan täh: A ku en malta nigo runoloi kirjuttua, nigo kerdomuksii, pahoi vie mouzet kirjuttazin,ga en tahto. A on häi meil, moizii, ket kirjutetah olis vai midä, midä piä kandau. Ongo se hyvä karjalan kielen kehittumizekse. Olgah vie silloi konzu, karjalan kieli luadi enzimäzet askelet, se vie vois tirpua, konzu kirjutettih ( 4to vizu, to i pi

[velli]

...Jatkan, prostikkua, mindän lienne, viesti lähti minun tahtomattah...
( 4to vizu, to i pisu) midä näin, sih näh kirjutangi.
A midä minun tahtos lugie hyviä runuo da ka44uo hyviä TV ohjelmua on pahua. Mostu kui minä on äijy, ka ei kaikil ole internettua, ku yhtyö meijan paginah.
Fourumatgi ollah luajittu sih niskoih, ku omii mielii sanuo.

[mp]

Kaikki hyviä tiettäväine vuotammo a kenbo sen tuo ku emmo iče ruvenne? Opin pidiä mieles suarnan mužikas ken lähti hevol halguo vedämäh. Ližäi hallon, ližäi toizen. Ku tämän voinnet vediä, mugai tämängi... Jälgimäi hebo ei ni lekahuttanuh kuormua. Sit puolendamah: Ku tädä et vedänne, et tädägi... Ajoi kodih tyhjän rienke. Sama pädöy karjalazih kielipezih, školih, lehtih, raadivoh, forumoih... Ku heborukku vedännöy hallon libo kaksi, silgi päččii lämmittäy. Dai jallat vahvistutah.

[velli]

yksin da kaksin halgozin vedämine ei pahuo tuo, ga se on egläine päivy, se ei äijäl vie meidy edehpäin, pyzymmö vai hilläkkazin samas kohtas...