Päivän nevvo

[Olói]

Täh voibi kirjuttua sanondoi libo tsituattoi. Tänäpäi luvin nengozen: itke hil´lázeh, a nagra ku kaikin kuultas. olói

[rila]

Vaikastui ku kala kurniekas. - Tottu paisten, se ei ole nevvo a vessel sanondu. Vai tämä forumu ei ole kurniekku, ei tarviče vaikastuo.

[Pekoi]

Egläi kuulin šuutkan Hauduvoaraspäi: "Mama,piäzengo kezoil käymäh?" "Piäzet,vai älä mene vedeh!"

[Olói]

Nengozet šuutkat da sanondat rikastutetah paginua.
Nygöi movvas on downshifting-suundu (en tiijä kuibo on karjalakse), da karjalazet tämän suundan tiijettih jo ammui, da sanottih: Nälläl da omal välläl. Olói

[Gagarin]

Miun Babal oli monie arvoutuksie da erähän kerran kyzyi:
"Päivät reiäl repsottau, yökse ragozeh njapsahtau, mibä netshe on?"

Kai rubiettih nagramah, a sid häi sanoi, jotta "Ei se muga ole kui arveletta! Se on puukko da tuppi"

[Pedrunnybly]

Olói kirjutti, gu nygöi on movvas downshifting. Duumaiččemmo yhtes kuibo sen kiännämmö karjalakse! Leppeistiä (leppei), leppeistämine?

[rila]

Olói kirjutti, gu nygöi on movvas downshifting. Duumaiččemmo yhtes kuibo sen kiännämmö karjalakse! Leppeistiä (leppei), leppeistämine?

Pedrunnyblän downshifting - leppeistämine, leppei, leppeistiä on aiga hyvä. A tämä: alevumine, alevuo? Angliin sanakniigas downshifting-sanua sellitetäh, se enzi sijas tarkoittau omas halus hyväpalkkahizen ruavon hylgiämisty. Oravan pyöräs iäreh hypättyy da midä tahto muudu kebjembiä ruadajes voit alevuo da elaigugi roihes leppei. - Ongo muga? Ongo muidu ehtotuksii?