opastajat.net/forum

Egläi kävähtimmös Salmih.Kirikköjoven da Pitkärannan kohtil loukkozii vie on,mugai gu Sordavala-Värtsilä -välilgi.

Ajoin egläi randudorogua Koirinojas Anukseh. Erähii kohtii on kohendettu ga kudakui kui enne.Uuksun da Manssilan välil syviä haudua. Ei nengomua kui liikendehmerkin kaksi mätästy vierekkäi a syviä jyrkyreunastu haudua kudamih ajamine voi azettua matkan. Yhtelläh ajamal max 60 km/h kergiey kierdämäh havvat da ajanduaigu on lyhyömbi da poltoainehen kulutus pienembi migu ajua 100 km pitkembi matku Priäžän kauti.
En arvannuh ku tänäpäi on voiton päivy, rahvas forsiu flaguloinke. Minägi yhtyin pruazniekkah - huondesverol en pannuh voidu leivän piäle.

Jo vuvven-kaksi Pitkäsrannas Vieljärveh on suannuh ajua ylen hyviä dorogua. Vieljärves Priäžäh dorogu ei ole paha, ga se on kaidu da mutkaine. Nygöi on allettu uvven dorogan srojindu välil Vieljärvi - Kaskeniemen tiešuaru - se on nenga puolet vie kohendamattomas dorogas. Matku äijäl ei lyhene. Štekis (Шеккила) uuzi dorogu on vie lähäl endisty, a Lökkö (Кучезеро) da Nuožarvi (Крошнозеро) jiäjäh enämbi bokkah. Värtsilän - Sordavalan dorogu nygöi on paha.

Tulijal nedälil lähtemmö Suistamoh.Tiedäygö ken Suistamon-Jalovuaran libo Suistamon-Loimolan dorogoin kunduo?

Mennyöl nedälil kävyin Sortavalah.Ruskealan-Rytyn välis oli läs kahteskymmenes kohtas asfaltua riicitty iäre.Ylen hil'lakkah pidi ajua.
Huomei opimmo Sortavalah da ku ollou pättävy siä,Uuksujärveh.

Uuksujärveh piäzimmö.Äijy oli haudua Koirinojas ielleh.Järilleh tulduo jo mashin oli vähäizen täcötellyh dorogua Syskyjarven-Koirinojan välil.

Pekoi, a kuibo ollah dielot Uuksujärvel, midäbo näittö? Kävittögo paginal kalazavodas?

Dielot endiselläh,zavodan koirat tormattih masinan n'okkah da terstavuttih.
Muite hyvä oli siä,kalmuzimal,casounan kohtas da Luhansillan ruanuksil astuimmo.

Minä enimyölleh ajelen vaiku Värtsilä-Petroskoi dorogua. Jälgimäzel kerral kaksi nedälii tagaperin oli yllätys, ku kai dorogan alittajat ojat Puikkolan da Rytyn välil oli avattu da mones kohtas pidi vuottua ajanduvuoruo. Onnuako meinatah kohendua kaikkii samanaigazesti, äijän mašinua da mužikkua oligi ruavos. Vieljärven da Nuožarven (Kaskesniemen tiešuaran) välizet kohendukset ollah hilletty, loppuh ruatah tuliennu vuonnu. Aijembi sygyzyl ajoin piädorogua Petroskois Louhessah, da siepäi Piäjärveh da ielleh Suoperäh (Kuusamoh). Jälgimäzele tiepalale ei pie lähtie, ku ei hambahien paikat oldane lujasti kiini.

Ket ollah ajettu Suomespäi Karjalan Tazavaldah tänny vuonnu, ollah suadu kogie Värtsilän da Sordavalan välil "kapitalnyj remont": vuottamizii, haudoi, jyrkii asfal'tan reunoi, ... Nygöi jo ei ole suurdu haittua, on vie palaine Ruskealas Värtsilähpäi, kus voi jouduo vuottamah yksisuundazen liikendehen däh, eigo äijii varattavii kohtii. Erähien nedälilöin peräs onnuako jo suau ajua kogo välin siliedy dorogua. Täl kerral en ajannuh Petroskoissah, a kaksi nedälii tagaperin Vieljärves Lökköh (Kutsozero) piäzi uuttu dorogua, a Lökön da Kaskesniemen tiešuaran väli pidi ajua vahnua.