Tietieduo

Tänne paginat kuduat ei synnytä piälolijoih forumoih

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Re: Tietieduo

Viesti Kirjuttai mp »

Värtsilän-Sordavalan välil loukkoloi on paikattu, ga viegi haudoi sua varata. Sordavalan-Imbilahten välis pitkin matkua valetah uuttu asfal'tua da kahtekse-kolmekse vuvvekse se rodih aiga hyvä. Kaikkii huonombua dorogua nygöi on Petroskoin linnan alovehel.
Petroskois Severnaja-hoteli (http://www.severnaya.info) myös ruadau. Yhten hengen suihkutoi/käymälätöi perti enne maksoi 700 rbl, nygöi 1750, suihkun/käymälänker 2600 rbl. Huondesvero nygöi on hinnas, enne ei olluh. Yhtelläh hinnat vie ollah huogiembat migu Karelias.

Manutar

Re: Tietieduo

Viesti Kirjuttai Manutar »

Suistamol, Hovinahos kävimmö kaksi nedälii tagaperin. Saimmo kyvvin Jurin Nival: Äimäjärven kauti Koittoh da sit Hovinahoh.
Sitägi dorogua kabrastettih! Mänetiijä puudu ruvetah vedämäh putilleh Koitospäi.

Käyttäjän avatar
mp
Viestit: 2108
Liittyi: 05 08 2008, 19:45

Re: Tietieduo

Viesti Kirjuttai mp »

Tänä vuon dorogii on äijän kohendettu Ven'an Karjalas. No minä tarkoitan enne muidu kolmikulmikon Värtsilä-Petroskoi-Anus dorogii. Värtsilä-Sordavala välii on paikattu, erähih kohtih uuttugi asfal'tua on valettu. Sordavala-Pitkyrandu välil on olluh suuret asfal'turuavot, nygöi voi jo hyvin ajua, hos reunoin luajindu jatkuu. Nägöjäh sangei kerros asfal'tua on valettu, no pohjua ei ole mones kohtas kohendettu, hätkengo kestänöy? Pitkyrandu-Petroskoi läs kogonah on siliedy dorogua, paiči Petroskoin linnah viettäjät dorogat, niilöil on suurdu loukkuo. Sidä vie pahendau, ku et voi kierdiä - oigiel, hural da tagau ajau autobusan kogostu mašinua ihan ičes kiini 80 km/h. Petroskoi-Anus dorogu jo ennestäh oli hyvä. Kezän suurin yllätys oli, min äijän Anus-Pitkyrandu dorogu on kohendunnuh, semmite Videl-Pitkyrandu välil. Sengi välin voi jo ajua ajonevvuo murendamata, ku hos vähäzen kaččou tieh päi.

Olói

Re: Tietieduo

Viesti Kirjuttai Olói »

Kinnermäl dorogua kohendetah, nygöi vaiku 7 km jällel:)

Olói

Re: Tietieduo

Viesti Kirjuttai Olói »

Haireh tuli, Karjalan kielen kodih dorogua kohendetah rajalpäi Vieljärvele:)

Pekoi
Viestit: 356
Liittyi: 18 09 2008, 20:54

Re: Tietieduo

Viesti Kirjuttai Pekoi »

Sordavalas Karjalan Sildu on valmis!Sezo Riekkalansuareh piäzöy nygöi uuttu sildua myö!

Käyttäjän avatar
mp
Viestit: 2108
Liittyi: 05 08 2008, 19:45

Re: Tietieduo

Viesti Kirjuttai mp »

Värtsilä-Pitkyrandu, Pitkyrandu-Priäžy da Petroskoi-Anus dorogat ollah siliet da kezäkelis - äijän suolatah, levitetäh peškuu da liikendehtygi on äijy. Anus-Pitkyrandu dorogal on talvikeli - siliedy jiädy, raizivoloi libo tiekondien (greideran) kynzien jälgie, ga kudakui hyvin ajettavua - eihäi ole pehmei eigo ole vezihaudoi.

Pekoi
Viestit: 356
Liittyi: 18 09 2008, 20:54

Re: Tietieduo

Viesti Kirjuttai Pekoi »

Mennyöl nedälil ajoimmo Sordavala-Kägisalmi -dorogua.Läs kolmekymmendy kilometrii oli cuuruu,haudua da peškuu.Lämmiä oli läs kolmekymmendy gruaduššii da hirvei pöläkky!
Tulijal nedälil opimmo ajua Värtsilä-Soanlahti -dorogua Suistamoh.

Käyttäjän avatar
mp
Viestit: 2108
Liittyi: 05 08 2008, 19:45

Re: Tietieduo

Viesti Kirjuttai mp »

Ket ollah Sordavalan-Priäžän dorogua ajeltu, ollah huomattu nelli suurdu silduruaduo Kolatsellän čural. Nygöi kahtu keskimästy sildua (Kollasjogi da Narvožajogi) jo voi ajua, reunimbazet (Loimolanjogi da Joučenjärvi) ei vie olla ihan valmehet. Värtsilän-Sordavalan välil on erähii loukkoloi täytetty.

Käyttäjän avatar
mp
Viestit: 2108
Liittyi: 05 08 2008, 19:45

Re: Tietieduo

Viesti Kirjuttai mp »

Nygöi jo kaikkii mainittuloi nelliä sildua myö voi ajua, hos ruadajien parviloi vie ymbäril pyörii. Värtsilän-Sordavalan välil on asfal'tukoneh da kogonah uuttu asfal'tua on valettu erähäh kohtah.

BUTTON_POST_REPLY