Kielikylymatkoloi Anukseh,Priäzäh...

[Pekoi]

Erähät Karjalansuvaittšijat ollah kuhkutettu minulgi,emmogo suazi järjestiä matkoloi karjazih kylih.
Tiijämmöhäi,intressat Karjalan kieleh da kultuurah lizävytäh Suomesgi.Voizimmo ottua 10-20 riskanzua avtobusah da ryhmyviizuman kolmie yömbäristyö vas,a teemu olizi kieli da kultuuru.
Karjalan tasavallas on monii karjalazii kylii mit oldas ylen pättävii moizih kielikylylöih.
Valmeheksi pidäy kattšuo gostil koit,magavot,syömizet i m.i.Tärgei on vakustua,što ižändät da emändät vaiku karjalakse paistah!
Kylärahvahal annetah valdu ozuttua kylän omaluadustu kultuurua,ruadoneroloi,eländykohtii,tšomii paikkoloi,kizua da pajuo...tiettäväine viimezekse ildua pruasniekku!
Moiset matkat lizetäh tuttavuttu heimorahvahienke,tuuvah igruo da eluo,d'enguagi vähäizen..
Duumaikkua da kehitäkkiä aziedu,ollougo moizeh tahtuo libo mahtuo?

[Olói]

Hyvä Pekoi,
terveh tulgua Kinnermäl, sie voibi olla yödy, kävvä mustas kylys da paista karjalakse hierun rahavahanke. Lähäl on Vieljärven hieru, kuduas on sežo maltajii karjalazii.
Olói

[Pekoi]

Muitengi pideli kyzyy...ammui opimmo tulla Suurel Juamalpäi Kinnermäh Voruz'arven da Pan'nilan kauti..Revonsel'l'äs siirittši piäzimmo vai Kangasjärven kohtal suuret mašinat dorogua ruattih,enembi emmo ielpäi piässyh.Oldannougo valmeheksi suadu?Piäzöygo Kinnermäh Anus-Priäzy -juamalpäi Pan'nilan kauti?

[Olói]

Pannilan da Tigverän kauti turistat tullah Kinnermäle jogo lumiregyzil libo mönkijäl, muite ei piäze

[Pekoi]

Suuren Piätentšän aigua matkaimmo Petroskoil da kävyimmö Kinnermägeh,tuttavuimmo,söimmö da vie vastavuimmo armahih heimokundih!
Passibot Nadjal,Olgal da tiettäväine kirmiel An'nil!
Vie Petroskoilgi mondu riskanzua kiitteli ku hyö ei mostu kultuurukohtua ni tiijetty eiga enembi nähty!
Nygöi,sanoimmo,paiskua vai ielleh!

[Manutar]

Minul oli eräs nedäli tagaperin mahto kävvä Ontajärvel, 35 km suvehpäi Rugarves.
Ontajärvi on minun roinduhierun, Öllölän, ystävyskylä, pikkaraine kylä kahten cuuruhiekkaizen järven, Ontajärven da Lajanijärven keskes.
Minuu äijän kosketti, gu ilmai suurdu iändy da vaskitrubiin toitotustu on ruattu minun mieles tovellistu kyliin välisty yhtehisruaduo jo 20 vuvven aijan. On roinnuh tovellistu riztikanzoin välisty ystävytty da tirpacustu. Ristikanzat suurel syväimel mollembis hieruis opitah avvuttua toine tostu joga kohtas. Eihäi ainos pie kaiken suurdu olla. Nygöi veimmö kyläh lumilabjoi da kudieloi. Eräs inehmine opasti horal uuzii pajoloi da myö ice opastuimmo uuzii pajoloi. Perehis elimmo, ylen hyvin meidy gostitettih. Vienan karjalua enimyölleh paistih vai yksi livvikkögi hierus eli. Tšasounu oli kohendettu yhtehisruadonnu. Nygöi Uspenn'an pruasniekkah buatusku tuli Kostamusespäi, kyläläzet da gostat saimmo putilleh piäl pyhitettyy vetty. Ylen rakkahal mustan kylän armahii naizii: Galinua, Katarinua, Nadjua. Äijän pidäis meijän opastuo heispäi. Sezo olen ylbei omah roindukyläh näh.