Karjalan kielen opastus Meliorativnoin školas

Meliorativnoin kylä on algujah ven'alaine kylä. Yhtelläh Viktor Grigorjevič Nosevičan mugah, ken ruadoi johtajannu školan allus v. 1987 vuodeh 2007 sah, Karjalan Tazavallan eläjien pidäy tundie karjalan kieldy da kul'tuurua. Sentäh kaikkien opastujien pidäy opastuo karjalan kieleh da kul'tuurah. Uuzi johtai Dmitrij Aleksandovič Efimov jatkau perindehty.

Školas nygöi on 176 opastujua. Heidy opastetah 35 opastajua - ruadajua kaikkiedah on 56. Tänä vuon karjalan kieldy opastetah yksi čuassu nedälis enzimäzel da kymmenendel luokal, kaksi čuassuu nedälis kolmandel, nelländel, seiččemändel da kaheksandel luokal, da kolme čuassuu nedälis kuvvendel kluasal. Toizel da yheksändel luokal tänä vuon karjalua ei opasteta. Tänä vuon 90 opastujua kävyy karjalan urokoil.

Karjalan kielen opastajat ollah Ljubov Levojeva da Anna Barišnikova. Ljubov Vasiljevna Levojeva on rodužin Rajakonnuspäi. Iän puoles häi on jo eläkkeheläine, ga ei malta pyzyö kois a opastau karjalan kieldy 1. da 4. luokal da ruadau škola-avvuttajannu. Anna Vasiljevna Barishnikova on Yllözespäi. Häi opastau karjalan kieldy 1, 3, 5, 7, 8, da 10. luokal da muitegi kehittäy kielen opastustu, ezimerkikse opastundukniigua luadimal.



Hurual oigiele: Dmitrij Efimov, Anna Barišnikova, Ljubov Levojeva da Viktor Nosevič