Yksivardalohizien verbilöin leksiekallizet vardalot

• a-vardalo on -ua-loppuhizis verbilöis:
  kastua (kasta-): kasta-n, kasta-t, kasta-u, kasta-mmo, hasta-tto;
  andua (anna-, anda-): anna-n, anna-t, anda-u, anna-mmo, anna-tto;
  sordua (sorra-, sorda-): sorran, sorra-t, sorda-u, sorra-mmo, sorra-tto;
  soudua (sovva-, souda-): sovva-n, souda-u, sovva-mmo, sovva-tto;
  purgua (purra-, purga-): purra-n, purga-u, purra-mmo, purratto;
  tuikkua (tuika-, tuikka-): tuika-n, tuika-t, tuikka-u, tuika-mmo, tuika-tto;
  auttua (auta-, auttu-): auta-n, auta-t, autta-u, auta-mmo, autatto.
  Monikon 3:nden persounan vardalo on -eta-loppuhine: kasteta-h, anneta-h, sorreta-h, sovveta-h, purreta-h, tuiketa-h, auteta-h.
• -ä -vardalo on -iä-loppuhizis verbilöis:
  vestiä (vestä-): vestä-n, vestä-t, vestä-y, vestä-mmö, vestä-ttö;
  löyhkiä (löyhkä-): löyhkä-n, löyhkä-t, löyhkä-mmö, löyhkä-ttö;
  vestiä (vestä-): vestä-n, vestä-t, vestä-y, vestä-mmö, vestä-ttö;
  löyhkiä (löyhkä-): löyhkä-n, löyhkä-t, löyhkä-y, löyhkä-mmö, löyhkä-ttö;
  kieldiä (kiellä-, kieldä-): kiellä-n, kiellä-t, kielldä-y, kiellä-mmö, kiellä-ttö;
  piirdiä (piirrä-, piirdä-): piirrä-n, piirdä-y, piirrä-mmö;
  kiändiä (kiännä-, kiändä-): kiännä-n, kiändä-y, kiännä-mmö;
  peittiä (peitä-, peittä-): peitä-n, peittä-y, peitä-mmö;
  čiäkkiä (čiäkä-, čiäkkä-): čiäkä-n, čiäkkä-y, čiäkä-mmö;
  Monikon 3:nden persounan vardalo on -etä -loppuhine: vestetä-h, löyhketä-h, kielletä-h, piirretä-h, kiännetä-h, peitetä-h, čiäketä-h.
• -u -vardalo on -uo -loppuhizis verbilöis:
  hirnuo (hirnu-): hirnu-n, hirnu-u, hirnu-mmo;
  laihtuo (laihtu-): laihtu-n, laihtu-u, laihtu-mmo;
  kirguo (kirru-, kirgu-): kirru-n, kirgu-u, kirru-mmo
  kuččuo (kuču-, kučču-): kuču-n, kučču-u, kuču-mmo;
  liikkuo (liiku-, liikku-): liiku-n, liikku-u, liiku-mmo;
  rippuo (ripu-, rippu-): ripu-n, rippu-u, ripu-mmo;
  suuttuo (suutu-, suuttu-): suutu-n, suuttu-u, suutu-mmo;
  Monikon 3:nden persounan vardalo on -uta -loppuhine: hirnuta-h, laihtuta-h, kirruta-h, kučuta-h, liikuta-h, riputa-h, suututa-h.
• y-vardalo on -yö -loppuhizis verbilöis:
  häilyö (häily-): häily-n, häily-y, häily-mmö;
  möngyö (möngy-): möngy-n, möngy-y, möngy-mmö;
  nägyö (nävy-, nägy-): nävy-n, nägyy-, nävy-mm;
  piädyö (piävy-, piävy-n: piädy-y: piävy-mmö;
  lämbyö (lämmy, lämby-): lämmy-n, lämby-y, lämmy-mmö;
  läikkyö (läiky-, läikky-): läiky-n, läikky-y, läiky-mmö;
  peittyö (peity-, peitty-): peity-n, peitty-y, peity-ymmö.
  Monikon 3:nden persounan vardalo on -ytä -loppuhine: häilytä-h, möngytä-h, nävytä-h, piävytä-h, lämmytä-h, läikytä-h, peitytä-h.
• -o-vardalo on -uo-loppuhizis verbilöis:
  sanuo (sano-): sano-n, sano-u, sano-mmo;
  katkuo (katko-): katko-n, katko-u, katko-mmo;
  uskuo (usko-): usko-n, usko-u, usko-mmo;
  huuhtuo (huuhto-): huuhto-n, huuhto-u, huuhto-mmo;
  kuduo (kuvo-, kudo-): kuvo-n, kudo-u, kuvo-mmo;
  rikkuo (riko-, rikko-): riko-n, rikko-u, riko-mmo;
  kaččuo (kačo-, kaččo-): kačon, kaččou, kačommo;
  Monikon 3:nden persounan vardalo on -ota -loppuhine: sanota-h, katkota-h, uskota-h, huuhtota-h, kuvota-h, rikota-h, kačota-h.
• -e-vardalo on -ie -loppuhizis verbilöis:
  itkie (itke-): itke-n, itkö-y, itke-mmö;
  lähtie (lähte-): lähte-n, lähtö-y, lähte-mmö;
  kytkie (kytke-): kytke-n, kytkö-y, kytke-mmö;
  lugie (luve-, luge-): luve-n, lugou, luve-mmo;
  kulgie (kulle-, kulge-): kulle-n, kulgo-u, kulle-mmo;
  sylgie (sylle-, sylge-): sylle-n, sylgö-y, sylle-mmö.
  Monikon 3:nden persounan vardalo on -ieta, -ietä -loppuhine: laskieta-h, lugieta-h, kulgieta-h, kulgieta-h, itkietä-h, lähtietä-h, kytkietä-h, sylgietä-h.
• Täh joukkoh kuulutah vie monitavuhizet -ja, -jä -loppuhizet verbit:
  kabaloija (kabaloiče-, kabaloičče-): kabaloiče-n, kabaloiččo-u, kabaloiče-mmo;
  ižändöijä (ižändöiče-, ižändöičče-): ižändöiče-n, ižändöiččö-y, ižändöiče-mmö;
  emändöijä (emändöiče-, emändöičče-): emändöiče-n, emändöiččö-y, emändöiče-mmö.
  Monikon 3:nden persounan vardalo on -ja, -jä -loppuhine: kabaloija-h, ižändöijä-h, emändöijä-h.
  Kiinnitä huomivuo: yksikön 3:ndes persounas vardalon loppuvokali -e vaihteleh -o:nke, -ö:nke, tapahtuu e-o, e-ö.
• i-vardalo on toizis -ie -loppuhizis verbilöis:
  oppie (opi-, oppi-): opi-n, oppi-u, opi-mmo;
  moittie (moiti-, moitti-): moiti-n, moitti-u, moiti-mmo;
  luadie (luaji-, luadi-): luaji-n, luadi-u, luaji-mmo;
  ähkie (ähki-): ähki-n, ähki-y, ähki-mmö;
  rygie (ryvi-, rygi-): ryvi-n, rygi-y, ryvi-mmö;
  lykkie (lyki-, lykki-): lyki-n, lykki-y, lyki-mmö;
  Monikon 3:nden persounan vardalo on -ita, -itä -loppuhine: opita-h, moitita-h, luajita-h, ähkitä-h, ryvitä-h, ečitäh, lykitä-h.
• -ua, -iä, -uo, -yö, -ai, -oi, -ui -diftonguvardaloloi käytetäh kaksitavuhizis -ja, -jä, -va, -vä -loppuhizis verbilöis. Tämän joukon verbilöi on vähä. Mainičemmo enimät niilöis:
  suaja (suaja-): sua-n, sua-u, sua-mmo;
  naija (nai-): nai-n, nai, nai-mmo;
  voija (voi-): voi-n, voi, voi-mmo;
  puija (pui-): pui-n, pui, pui-mmo;
  jiäjä (jiä-): jiä-n, jiäy, jiämmö;
  tuvva (tuo-): tuo-n, tuo-u, tuo-mmo;
  luvva (luo-): luo-n, luo-u, luo-mmo;
  juvva (juo-): juo-n, juo-u, juo-mmo;
  syvvä (syö-): syö-n, syö-y, syö-mmö;
  lyvvä (lyö-): lyö-n, lyö-y, lyö-mmö;
  myvvä (myö-): myö-n, myö-y, myö-mmö;
  Monikon 3:nden persounan vardalo on -ja, -jä, -va, -vä -loppuhine: suaja-h, naija-h, voija-h, puija-h, jiäjä-h, tuvva-h, luvva-h, juvva-h, syvvä-h, lyvvä-h, myvvä-h.
  Kiinnitä huomivuo: verbilöis naija, voija,puija yksikön 3:ndes persounas ei ole taivutuspiätehty.