Adjektiivu (Luadusana)
Adjektiivakse sanotah moizii sanoi, kudamat merkitäh ezinehen
luaduu da vastatah kyzymykseh mittuine?
Merkičyksen puoles adjektiivat jagavutah kahteh joukkoh:
-
Luaduadjektiivat kuvaillah ezinehen luaduu: värii myöte
(ruskei, harmai), miäriä myöte (suuri, pieni), painuo myöte
(jugei, kebjei), igiä myöte (nuori, vahnu), ulgonägyö myöte
(kaunis, hoiskei), sydämellisty luaduu myöte (älykäs, hyväntahtoi,
vihaine, lašku).
Nengomua luaduu voi olla enämbi libo vähembi:
kaunis, kaunehembi, kaunehin; nuori, nuorembi, nuorin.
-
Kohteadjektiivat merkitäh materjualua, kudamas on luajittu
eziheh (puuhine, raudaine, kivine); mintah olemattomutta
(kojitoi, nimetöi, lapsetoi).
Kohteadjektiivat vastatah kyzymykseh, mihine? mittuine?
Kohteadjektiivu sanou, ongo luaduu libo ei ole; ei voi sanuo, ku
toizes ezinehes tädä luaduo on enämbi libo vähembi.