Instruktiivu (Keinondo)

Instruktiivu vastuau kyzymykseh milleh? mih tabah? min verroin? Instruktiivua käytetäh vaiku monikos.

Sijapiäteh on -n, kudai liittyy sego -i -lugutunnukseh:
käzi-n, jalloi-n
sego -loi-, -löi -lugutunnukseh:
piälöi-n.

Instruktiivua käytetäh ilmoittajes

tevon keinuo:
Häi talvelgi kävelöy pal'l'ahin piälöin.
Tyhjin käzin tädä ruaduo et rua.
Omin voimin nosti uvven koin.
tevon miäriä:
Kolmin kerroin päiväs kävähtelih kodih.
Maiduo ostelin puolin litroin.
Häi lugi monin kniigoin kuus.
Enne perehis oli äijin lapsin.
tevon aigua:
Myö pyhinpäivin kävimmö meččäh.
Kezäzin hyö eletäh suarel.