Prolatiivu (Myötendö)

Prolatiivu vastuau kyzymykseh keneči? miči? Prolatiivan sijapiäteh on -či.

Yksikös se liittyy yksivardalohizis substantiivois heikkoh vokalivardaloh:
meččy (mečä-, meččä-): mečäči,
randu (ranna-, randa-): ranna-či,
a kaksivardalohizis substanttiivois - vokalivardaloh:
sizär (sizäre-, sizär-): sizäreči.

Monikos sijapiäteh liittyy monikon vardaloh:
meči-či, rannoi-či, sizäri-či.

Prolatiivua käytetäh ilmoittajes:

paikkua, kudaman kauti tapahtuu tego:
Myö tulimmo kodih mečäči.
Hirvet pajettih alangoči.
Talvel dorogu menöy niityči.
Rahvas astuttih peldoloiči.
ristikanzua, kenen kauti tapahtuu tego:
Kirjazen hänele työndin tyttäreči.
Viesti tuli tyttölöiči.
tevon vigua:
Silmiči se inehmine on tarku, a korvači ei kuule nimidä.
Käziči ruadazin, a sivuloiči en voi.
Jalloiči häi on ylen voimatoi.