Allatiivu (Ulgotulendo)

Allatiivu vastuau kyzymyksih: kenele? mille? kunne?

Allatiivan sijapiäteh on -le.

Yksikös se liittyy yksivardalohizis substantiivois heikkoh vokalivardaloh:
tyttö (tytö-, tyttö-): tytö-le,
a kaksivardalohizis substantiivois - vokalivardaloh:
kämmen (kämmene-, kämmen-): kämmene-le.

Monikos sijapiäteh liittyy monikon vardaloh:
tyttölöi-le,
kämmeni-le.

Allatiivua käytetäh ilmoittajes

paikkua, kudaman pinnale kentah, mitah menöy, tulou, pannah:
Huondeksel menimmö pellole.
Häi varaten polgi jiäle.
Heittiä kindahat halgopinole.
ristikanzua libo elättii, kudamale midätah annetah, sanotah ozutetah:
Lahjoittua muamale kukkazet.
Ostua pojale uuzi paidu.
Andua koirale leibiä.
Sanuo ystäväle hyvä viesti.
Ozuttua lapsile kino.
tevon piämiäriä:
Lähtie viele.
Kävvä murginale.
Mennä ostoksile.
Tulla pruazniekale.