Adessiivu (Ulgo-olendo)

Adessiivu vastuau kyzymyksih keneI? mil?

Adessiivan sijapiäteh on -l.

Yksikös se liittyy yksivardalohizis substantiivois heikkoh vokalivardaloh,
sildu (silla-, silda-): sillal,
kukki (kuki-, kukki-): kukil,
a kaksivardalohizis substantiivois - vokalivardaloh:
lammas (lambaha-, lammas-): lambahal.

Monikos sijapiäteh liittyy monikon vardaloh:
silloi-l,
kukkiloi-l,
lambahi-l.

Adessiivua käytetäh ilmoittajes

paikkua, kudaman pinnal kentah libo mitah on.
Rahvas ollah pellol.
Kaži viruu lattiel.
Kanat istutah yöpuul.
Kalastajat ollah järvel.
Veneh kelluu järven pinnal.
tevon ezinehty:
Peldoloi kynnetäh traktoroil.
Vavot pidi kytkie käzil.
Kirjuttua tekstu tiedokonehel.
Lattiet pyhkitäl vastal.
Mennä školah suksil.
tevon aigua:
Matkah hyö lähtiettih huondeksel.
Päiväl tuatto kohendi aijan.
Opastandu lopeh keviäl, a algau sygyzyl.
tevon keinuo, tabua, luaduu:
Hyö bohatuttih ruandal.
Kirguo pahal iänel.
Buabo piäzi kodih omal jallal.
Äbäzöijä lastu käzil da kämmenil.
omistajua:
Tytöl on äijy kniigua.
Vellel ollah uvvet sukset.
Opastujil on loma.