Translatiivu (Tulendo)

Translatiivu vastuau kyzymyksih kenekse? mikse?

Translatiivan sijapiäteh on -kse. Sidä käytetäh yksikös dai monikos.

Yksikös se liittyy yksivardalohizis substantiivois heikkoh vokalivardaloh, a kaksivardalohizis substantiivois - vokalivardaloh:
sana (sana-): sana-kse,
kuldu (kulla-, kulda-): kulla-kse,
počči (poči-, počči-): poči-kse,
kinnas (kindaha-, kinnas-): kindaha-kse.

Monikos sijapiäteh liittyy monikon vardaloh:
sanoi-kse,
kulli-kse,
poččiloi-kse,
kindahi-kse.

Translatiivua käytetäh ilmoittajes

muuttumistu keneksetah, miksetah, mittumaksetah:
Opastundan jälgeh minun velli rodih inženierakse.
Se naine jäi leskekse.
Koivu pilattih hallokse.
Mečäs olles sovat mendih mustakse.
tevon aigua:
Kirjuttuakseh kursiloile vuvvekse.
Mennä ehtäkse kinoh.
Jiäjä yökse kodih.
Talvekse tulla kyläh.
tevon tabua:
Paista karjalakse.
Kirjuttua suomekse.
Pajattua ven'akse.