Essiivu (Olendo)

Essiivu vastuau kyzymyksih kenenny? minny? Essiivan sijapiäteh on -nnu, -nny.

Yksikös essiivu liittyy yksivardalohizis substantiivois heikkoh vokalivardaloh: lapsi (lapse-) > lapse-nnu, ruavotoi (ruavottoma-) > ruavottoma-nnu, brihačču (brihaču-, brihačču-) > brihaču-nnu, luba (luva-, luba-): luva-nnu.
Kaksivardalohizis substantiivois essiivu liittyy yksikös vokalivardaloh: hammas (hambaha-, hammas-) > hambaha-nnu, kieli (kiele-, kiel-) > kielenny.
Monikos essiivan sijapiäteh liittyy monikon vardaloh: lapsi-nnu, ruavottomi-nnu, brihaččuloi-nnu, luvi-nnu, hambahi-nnu, kieli-nny.

Essiivua käytetäh ilmoittajes

kenenny, minny on kentah libo mitah: Sizär ruadau opastajannu. Minä opastujannu olles soitin viulul. Häi on douhtorinnu. Enne tufliloi piettih pruazniekkujallačinnu.
aigua, konzu midätah tapahtuu: Tänä talvennu oldih kovat pakkazet. Mennyt kuun kolmandennu päivänny tulin ruadoh. Škola algau sygyzyn enzimäzenny päivänny.