Lugu: yksikkö da monikko

• konzu pagin on jallois da käzis. Panna kengät jalgah. Heittiä kengät jallas. Uvvet tuflit ei mennä jalgah. Ottua kindahat kädeh. Panna alazet kädeh.
• konzu pagin on elättilöis; kodielättilöis, meččyelättilöis, lindulois, kalois: Sit souhozas kazvatetah lehmiä da poččii. Karjalan mečis on äijy kondiedu da linduu. Kotkatjärves on äijy kalua.
• konzu pagin on kazvilois da sienis: Ruispellos on äijy ruiskukkastu. Niityl kazvau kaikenualastu heiniä. Tänäkezän mečäs on täydynyh muarjua da siendy.
• konzu substantiivua käytetäh numerualanke: Luokas oli kuuzi brihaččuu. Joven toizel rannal oli viizi taloidu. Palkittih seiččie opastujua. Päivykodih kävyy kymmene lastu

• kaksiozahizet ezinehet: piihtet, nozničat, keriččimet, šaglat i m.i.
• erähät suguterminät: vellekset, sizärekset, kaksozet.

Lugutunnus

Tunnus -t

Tunnus -loi, -löi

• lyhyt vokali -u, -y, -o, -ö, -i:
  vilu (vilu-): vilu-loi-n, vilu-loi-s, vilu-loi-h, vilu-loi;
  käby (kävy-, käby-): käby-löi-n, käby-löi-h, käby-löi;
  levo (levo-): levo-loi-n, levo-loi-s, levo-loi-h, levo-loi;
  lähtö (lähtö-): lä'htö-löi-n, lähtö-löi-s, lähtö-löi-h, lähtö-löi;
  kukki (kuki-, kukki-): kukki-loi-n, kukki-loi-h, kukki-loi.
  Kiinnitä huomivuo: Tunnus -loi, -löi liittyy lujah vokalivardaloh, ku sanal ollou kaksi vokalivardaluo: käby-löi-n, kukki-loi-n.
• pitky vokali -ii, -uu, -yy:
  pii (pii-): pii-löi-n, pii-löi-h, pii-löi;
  kuu (kuu-): kuu-loi-n, kuu-loi-h, kuu-loi;
  pyy (pyy-): pyy-löi-n, pyy-löi-h, pyy-löi;
  
• diftongu -ua, -iä, -uo, -yö, -ie, -oi, -öi:
  mua (mua-): mua-loi-n, mua-loi-s, mua-loi-h, mua-loi;
  piä (piä-): piä-löi-n, piä-löi-s, piä-löi-h, piä-löi;
  suo (suo-): suo-loi-n, suo-loi-s, suo-loi-h, suo-loi;
  vyö (vyö-): vyö-löi-n, vyö-löi-s, vyö-löi-h, vyö-löi;
  kate (kattie-): kattie-loi-n, kattie-loi-h, kattie-loi;
  sarai (sarua-): sarua-loi-n, sarua-loi-s, sarua-loi-h, sarua-loi;
  veräi (veriä-): veriä-löi-n, veriä-löi-s, veriä-löi-h, veriä-löi;
  reboi (reboi-): rebo-loi-n, rebo-loi-s, rebo-loi-h, rebo-loi;
  kägöi (kägöi-): kögö-löi-n, kägö-löi-s, kägö-löi-h, kägö-löi.
  Kiinnitä huomivuo:
  -oi, -öi-loppuhizis vardalolois diftongan toine komponentu -i häviey -loi, -löi-tunnuksen iel.

Tunnus -i

• lyhyt vokali -a, -ä: sana (sana-): sano-i-n, sano-i-s, sano-i-h, sano-i;
  tela (tela-): telo-i-n, telo-i-s,telo-i-h,telo-i;
  vihmu (vihma-): vihmo-i-n, vihmo-i-s, vihmo-i-h, vihmo-i;
  tuhmu (tuhma-): tuhm-i-en, tuhm-i-s, tuhm-i-h, tuhm-i-i;
  soba (sova-. soba-): sob-i-en, sov-i-s, sob-i-h, sob-i-i;
  päivy (päivä-): päiv-i-en, päiv-i-s, päiv-i-h, päiv-i-i;
  kezä (kezä-): kez-i-en, kez-i-s, kez-i-h, kez-i-i.
  Kiinnitä huomivuo: Monikon tunnuksen -i iel vardalon loppuvokali muuttuu:
  • tapahtuu a~o: samo-i-n, telo-i-n, vihmo-i-n;
    
  • loppuvokali häviey: tuhm-i-en, sob-i-en, päiv-i-en. kez-i-en.
    
• lyhyt vokali -e:
  • kalaine (kalaze-): kalaz-i-en, kalaz-i-s, kalaz-i-h, kalaz-i-i;
    tyttöine (tyttöze-): tyttöz-i-en, tyttöz-i-s, tyttöz-i-h, tyttöz-i-i.
    
  • herneh (hernehe-): herneh-i-en, herneh-i-h, herneh-i-i;
    sammal (sammale-): sammal-i-en, sammal-i-h, sammal-i-i;
    taimen (taimene-): taimen-i-en, taimen-i-h, taimen-i-i;
    tytär (tyttäre-): tyttär-i-en, tyttär-i-h, tyttär-i-i;
    kannates (kannatekse-): kannateks-i-en, kannateks-i-h, kannateks-i-i.
    
  • tuohi (tuohe-): tuoh-i-en, tuoh-i-h, tuoh-i-i;
    mieli (miele-): miel-i-en, miel-i-h, miel-i-i;
    lumi (lume-): lum-i-en, lum-i-h, lum-i-i;
    uni (une-): un-i-en, un-i-h, un-i-i;
    suksi (sukse-): suks-i-en, suks-i-h, suks-i-i.
    Kiinnitä huomivuo: vardalon loppuvokali -e häviey monikon tunnuksen -i iel.

Substantiivoin lugutunnuksien taulukko