Nominoin vardalot

• Yksivardalohizes nominas on vaiku (vokalih loppui) vokalivardalo: koiru (koira-): koira-n, koira-h, koira-l, koira-nke;
  kaheksu (kaheksa-): kaheksa-n, kaheksa-h, kaheksa-ttah;
  vilu (vilu-): vilu-n, vilu-h, vilu-s, vilu-u;
  takki (taki-, rakki-): taki-n, taki-s, takki-i, takki-h;
  loppu (lopu-, loppu-): lopu-n, lopu-s, loppu-u, loppu-h;
  hebo (hevo-, hebo-): hevo-n, hevo-le, hebo-h;
  liga (lija-, liga-): lija-s, lija-l, lija-ttah, liga-h.
  
  Vokalivardalo voi olla heikko (tytö-) libo luja (tyttö-). Luja vokalivardalo löydyy yksikön illatiivas da partitiivas: meččä-h, mečči-ä, kuoppa-h, kuoppu-a. Heikko vokalivardalo löydyy yksikön kaikis toizis sijois: mečä-n, mečä-s, mečä-späi, mečä-le, kuopa-n, kuopa-s, kuopas-päi, kuopa-le.
  Verdailemmo sanoi:
  kukin - kukkih, rota - rottah, lopun - loppuh, pellon - peldoh.
  Sanois kuki-n, rota-n, lopu-n, pello-n on heikko vokalivardalo. Sanois kukki-h, rotta-h, loppu-h, peldo-h on luja vokalivardalo.
• Kaksivardalohizes nominas on vokalivardalo da konsonantuvardalo: mieli (miele-, miel-): miele-n, miele-h, miel-dy;
  suuri (suure-, suur-): suure-n, suure-h, suur-du;
  kymmene (kymmene-, kymmen-): kymmene-n, kymmene-h, kymmen-dy;
  sammal (sammale-, sammal-): sammale-n, sammale-h, sammal-du;
  lapsi (lapse-, las-): lapse-n, lapse-h, las-tu.
  
  Konsonantuvardalo löydyy yksikön partitiivas: kiel-dy tuoh-tu, kymmen-dy, sammal-du, las-tu

Yksivardalohizet nominat

• sanat, kudamat loppietahes lyhyöh vokalih a, ä, o, ö, u, y, i, paiči sanat, kudamien lopus on -hi, -li, -mi, -ni, -ri, -zi, -ksi, -psi:
  vaza (vaza-): vaza-n, vaza-s, vaza-h, vazu-a;
  kaheksa (kaheksa-): kaheksa-n, kaheksa-s, kaheksa-h, kaheksu-a;
  sorzu (sorza-): sorza-n, sorza-s, sorza-h, sorzu-a;
  hyvä (hyvä-): hyvä-n, hyvä-s, hyvä-h, hyvi-ä;
  yheksä (yheksä-): yheksä-n, yheksä-s, yheksä-h, yheksi-ä;
  heiny (heinä-): heinä-n, heinä-s, heinä-h, heini-ä;
  kello (kello-): kello-n, kello-s, kello-h, kellu-o;
  töhlö (töhlö-): töhlö-n, töhlö-s, töhlö-h, töhly-ö;
  vilu (vilu-): vilu-n, vilu-s, vilu-h, vilu-u;
  kyly (kyly-): kyly-n, kyly-s, kyly-h, kyly-y;
  lehti (lehte-): lehte-n, lehte-s, lehte-h, lehti-e:
  nelli (nellä-): nellä-n, nellä-s, nellä-h, nelli-ä;
  kukki (kuki-, kukki-): kuki-n, kuki-s, kukki-h, kukki-i
  
• sanat, kudamat loppietahes pitkäh vokalih: pii (pii-): pii-n, pii-s, pii-h, pii-dy;
  puu (puu-): puu-n, puu-s, puu-h, puu-du;
  pyy (pyy-): pyy-n, pyy-s, pyy-h, pyy-dy;
  
• sanat, kudamat loppietahes diftongah: mua (mua-): mua-n, mua-s, mua-h, mua-du;
  suo (suo-): suo-n, suo-s, suo-h, suo-du;
  jiä (jiä-): jiä-n, jiä-s, jiä-h, jiä-dy;
  vyö (vyö-): vyö-n, vyö-s, vyö-h, vyö-dy;
  opastai (opastaja-): opastaja-n, opastaja-s, opastaja-h, opastaju-a;
  pedäi (pedäjä-): pedäjä-n, pedäjä-s, pedäjä-h, pedäji-ä;
  korgei (korgie-): korgie-n, korgie-s, korgie-h, korgie-du;
  pehmei (pehmie-): pehmie-n, pehmie-s, pehmie-h, pehmie-dy;
  hiemaitoi (hiemaittoma-): hiemaittoma-n, hiemaittoma-h, hiemaittomu-a;
  keittämätöi (keittämättömä-): keittämättömä-n, keittämättömi-ä.
  

Kaksivardalohizet nominat

• sanat, kudamien lopus on lyhyt vokali -e: kate (kattie-, katet-): kattie-n, kattie-h, katet-tu;
  ruoste (ruostie-, ruostet-): ruostie-n, ruostie-h, ruostet-tu;
  päre (pärie-, päret-): pärie-n, pärie-h, päret-ty;
  kuldaine (kuldaze-, kuldus-): kuldaze-n, kuldaze-h, kuldas-tu;
  tyttöine (tyttöze-, tyttös-): tyttöze-n, tyttöze-h, tyttös-ty;
  Sana kolme (kolme-) ei kuulu täh joukkoh. Se on yksivardalohine.
  
• sanat, kudamien lopus on -hi, -li, -mi, -ni, -ri, -zi, -ksi, -psi: tuohi (tuohe-, tuoh-): tuohe-n, tuohe-h, tuoh-tu;
  mieli (miele-, miel-): miele-n, miele-h, miel-dy;
  lumi (lume-, lun-): lume-n, lume-h, lun-du;
  suoni (suone-, suon-): suone-n, suone-h, suon-du;
  veri (vere-, ver-): vere-n, vere-h, ver-dy;
  kuuzi (kuuze-, kuus-): kuuze-n, kuuze-h, kuus-tu;
  uksi (ukse-, us-): ukse-n, ukse-h, us-tu;
  yksi (yhte-, yh-): yhte-n, yhte-h, yh-ty;
  lapsi (lapse-, las-): lapse-n, lapse-h, las-tu.
  Täh joukkoh ei kuuluta sanat nimi (nime-), nurmi (nurme-), sormi (sorme-), kezi (keze-). Net ollah yksivardalohizet.
• sanat, kudamat loppietahes konsonantoih -h, -l, -n, -r, -t, -s: pereh (perehe-, pereh-): perehe-n, perehe-h, pereh-ty;
  vemmel (vembele-, vemmel-): vembele-n, vembele-h, vemmel-dy;
  kämmen (kämmene-, kämmen-): kämmene-n, kämmene-h, kämmen-dy;
  avain (avaime-, avain-): avaime-n, avaime-h, avain-du;
  piennar (piendare-, piennar-): piendare-n, piennar-du;
  tuhat (tuhande-, tuhat-): tuhande-n, tuhande-h. tuhat-tu;
  lapsut (lapsuo-, lapsut-): lapsuo-n, lapsuo-h. lapsut-tu;
  lyhyt (lyhyö-, lyhyt-): lyhyö-n, lyhÿö-h, lyhiyt-ty;
  armas (armaha-, armas-): armaha-n, armaha-h, armas-tu;
  kaunis (kaunehe-, kaunis-): kaunehe-n, kaunehe-h, kaunis-tu;
  kirves (kirvehe-, kirves-): kirvehe-n, kirvehe-h, kirves-ty;
  kylvös (kylvökse-, kylvös-): kylvökse-n, kylvökseh, kylvös-ty;
  kaglus (kaglukse-, kaglus-): koglukse-n, kaglukse-h, kaglus-tu;
  puhtahus (puhtahuo-, puhtahut-): puhtahuo-n, puhtahut-tu;
  levevys (levevyö-, levevyt-): levevyö-n, levevyö-h, levevyt-ty.