Vokalivaihtelu
Sanoin taivuttajes vardalon loppuvokali toiči muuttuu: Se
- vaihteleh toizen vokalinke: sana, sana|n, sanu|a, sano|i|s
- häviey: koiru, koira|n, koir|i|s
Sidä sanotah vokalivaihtelukse.
Ei vaihtellahes vardalon loppuvokalit u, y, i:
vilu-vilu|u; kyly-kyly|y; kaži-kaži|i.
Harvah vaihtellahes vardalon loppuvokalit o, ö.
Vokalivaihtelu o>u, ö>y tapahtuu vaiku yksikön partitiivas:
kolo kolu|o; kello, kellu|o.
Puaksuh vaihtellahes vardalon loppuvokalit a, ä, e. Se tapahtuu
nominoin da verbilöin taivuttajes.
- a>o: vihma|s > vihmo|i|s; paha|l > paho|i|l; anna|n > anno|i|n;
- a>u: orava|n > oravu|a; kajoža|l > kajožu|a;
- a>e: kova|t > kove|mba|t;
- a>ø: oksa > oks|i|l; čoma|s > čom|i|s; nosta| > nost|i|n;
- ä>i: nenä|n > neni|ä, hyvä|n > hyvi|ä;
- ä>e: jyrkä|s > jyrke|mbä|s;
- ä>ø: lehmä|le > lehm|i|le; vestä|n > vest|i|n;
- e>i: nime|n > nimi|e; luve|n > lugi|e;
- e>o/ö: tule|n > tulo|u, mene|n, menö|y;
- e>ø: kiele|s > kiel|i|i, piene|l > pien|i|l; peze|n > pez|i|n.
Vardalon loppudiftongat vaihtellahes diftongoinke:
ai>ua; ei>ie; äi>iä.
Nämmä vokalivaihtelut tapahtutah substantiivoin da adjektiivoin
taivuttajes:
- ai>ua: harmai > harmua|n; hiemai > hiemua|s; sarai > sarua|l;
- ei>ie: vaigei > valgie|n; kebjei > kebjie|n, järei > järie|s;
- äi>iä: veräi > veriä|s.
vokalivaihtelu
| o | ö | u | y | e | i | ø |
| a | + | | + | | + | | + |
| ä | | | | | + | + | + |
| e | + | + | | | | + | + |
| o | | | + | | | | |
| ö | | | | + | | | |