Ruskie neičyt,‭ ‬valgie neičyt‭

Ruskie neičyt,‭ ‬valgie neičyt‭ 
‬sano sinä,‭ ‬sano sinä‭ 
‬konzubo meile gost’at tullah,‭ ‬gost’at tullah‭?‬
Mustupiä piätenčän,‭ ‬piätenčän,‭
‬minun vel‭´‬l´i suovattan,‭ ‬suovattan,‭ 
‬minun miiloi pyhänpiän,‭ ‬pyhänpiän.‭

‬Ruskie neičyt,‭ ‬valgie neičyt‭ 
‬sano sinä,‭ ‬sano sinä‭ 
‬midäbo heile syötetäh,‭ ‬syötetäh‭?
‬Mustupiäl leibiä da leibiä,‭
‬minun‭ ‬vel´l´el kalittua,‭ ‬kalittua,‭ 
‬minun miiloil piiraidu,‭ ‬piiraidu.‭

‬Ruskie neičyt,‭ ‬valgie neičyt‭ 
‬sano sinä,‭ ‬sano sinä
midäbo heile juotetah,‭ ‬juotetah‭?
‬Mustupiäl čuajuu da čuajuu,‭ 
‬minun vel´l´el kofeidu,‭ ‬kofeidu,‭ 
‬minun miiloil piivoa da piivoa.‭

‬Ruskie neičyt,‭ ‬valgie neičyt‭ 
‬sano sinä,‭ ‬sano sinä‭ 
‬kunnebo heidy‭ ‬muate pannah,‭ ‬muate pannah‭?
‬Mustupiä perttih da perttih‭ 
‬minun vel´li gorniččah,‭ ‬gorniččah,‭ 
‬minun miiloi čardakkah,‭ ‬čardakkah.‭

‬Ruskie neičyt,‭ ‬valgie neičyt‭ 
‬sano sinä,‭ ‬sano sinä‭ 
‬midäbo heile ual pannah,‭ ‬ual pannah‭?
‬Mustupiäl posteli,‭ ‬posteli‭ 
‬minun vel´l´el perinä,‭ ‬perinä,‭ 
‬minun miiloil puuhovoit,‭ ‬puuhovoit.‭

‬Ruskie neičyt,‭ ‬valgie neičyt‭ 
‬sano sinä,‭ ‬sano sinä‭ 
‬midäbo heile kattiekse,‭ ‬kattiekse‭?
‬Mustupiäl vuattu da vuattu,‭
‬minun vel´l´el od’d’ualu,‭ ‬od’d’ualu,‭ 
‬minun miiloil barhattu,‭ ‬barhattu.‭

‬Ruskie neičyt,‭ ‬valgie neičyt‭ 
‬sano sinä,‭ ‬sano sinä‭ 
‬kedäbo heile rinnalle,‭ ‬rinnalle‭?
‬Mustupiäl Muarja da Muarja,‭
‬minun vel´l´el Duarja da Duarja,‭ 
‬minun miiloil iččeni,‭ ‬iččeni.‭