Minä mustan
Sanat da sävel: Aleksandr Saveljev
Minä opastuin paista karjalan kielel kus mustan,
Juoksendelin kus pal’l’ahin jalloin – vähäizen mustan.
Minä mustan, kui muamo da tuatto minuu kazvatettih –
Eliä muailmal täl pidäy, kui minuu hyö opastettih.

Kerdavo:
Vai Karjalan mua – on kaikkii paras,
Vai Karjalan mua – minun ryndähäs,
Vai Karjalan mua da mamizen sanaizet piäs.

Konzu lähtemmö koispäi myö muailman loittozih matkoih,
Mustoh jätämmö paikan, kus luovuimmo armahih sanoih.
Tulles järilleh kedä on himoine vastah läs kodii?
Vaiku ei ole pordahil ammui jo vahnastu mamii.

Kerdavo

Pidäs puaksumbah mustella omuadu muamua da tuattua.
Jättiä rahvahan mustokse hyviä, ei vihua da pahua.
Minä mustan, kui muamo da tuatto minuu kazvatettih.
Eliä muailmal täl pidäy, kui minuu hyö opastettih.

Kerdavo