Laskettakkua brihat hevot
Raja-karjalaine rahvahan pajo
Laskettakkua brihat hevot,
iče mängyä maguamah.
:,: A mie lähten lehtisaduh,
saduh kaivuo kaivamah. :,:
Kaivoin, kaivoin mie kaivuo
višnevoissa savussa.
:,: Tulougo häi neičyt veille
kiirehessä hovussa :,:
Kačon, kačon, astuu neičyt
kaivon vettä ottamah.
:,: Hänen jälgeh čoma briha
matkuau hebuo juottamah, :,:
Kyzyi, kyzyi briha viedrua
neičyt ei ni andanuh.
:,: Lahjoi, lahjoi sormuksella.
Neičyt ei ni ottanuh. :,:
Tiijän, tiijän neičyzeni,
millä mie siun siännytin.
:,: Egläi illal besodassa
toizen ker mie kizazin. :,:
Kasvuldah häi ei ole tobja
nuorikkaine zdorovoi.
:,: Musta tukka, pitkä kassa,
kassas lenta goluboi. :,: