‭Kaunis Karjala
‬Sävel da Sanat: Ivan L'ovkin
Pitkän kuuzen ladvas 
kägöi kukkuu zor'aizel.
Neidoi käzi kaglal 
sanoi omal sulhaizel:
Ongo kaunis Karjal keväizillä,
Soittau päivöi sugahil sulavilla. 

Nouzen joga huondes 
kullan iändy kuulemah.
Lagiel nurmikolla 
armahastu nägemäh.
Paimoi tuohiliruzel lirahuttau.
Iänen huondes ilmaine kajahuttau.

A ku myöhä illal 
zor'aine on sambunuh,
minä omal kullal 
ainos olen sanonuh:
Tule ikkoinalla kodvaizekse,
menöy aigu mollembil iloizekse.

Ongo kaunis Karjal keväizillä,
Soittau päivöi sugahil sulavilla.