‭Darja, kesriäjä rahvahan pajo?
Kezräi meijän Darja järiedy ni hoikkua
Eh, Darja kezriäjä, hienon langan luadija.

Järiembästy halguo, hoikembastu parttu.
Eh, Darja kezriäjä, hienon langan luadija.

Rubei meijän Darja, palttinua kudomah.
Eh, Darja kezriäjä, hienon langan luadija.

Rubei meijän Darja palttinua pezemäh.
Eh, Darja kezriäjä, hienon langan luadija.

Jogeh ku häi panou, joki kaikki kuivi.
Eh, Darja kezriäjä, hienon langan luadija.

Joves päi gu vieldäy, joven rannan kierdäy.
Eh, Darja kezriäjä, hienon langan luadija.

Rubei meijän Darja emustua viilemäh.
Eh, Darja kezriäjä, hienon langan luadija.

Kirvehel ku loškuau, vazaral piäl ploškuau.
Eh, Darja kezriäjä, hienon langan luadija.

Rubei meijän Darja emustua ombelemah.
Eh, Darja kezriäjä, hienon langan luadija.

Purahal häi pistäy konatal häi nyhtiäy.
Eh, Darja kezriäjä, hienon langan luadija.

Rubei meijän Darja emustoih selgiemäh.
Eh, Darja kezriäjä, hienon langan luadija.

Kolme händä piettih, seiččemän piäl viettih.
Eh, Darja kezriäjä, hienon langan luadija.

Sano sinä Darja, midäbo et istu.
Eh, Darja kezriäjä, hienon langan luadija.

Istuzin jo ammuin, ga emustu ei lämmy.
Eh, Darja kezriäjä, hienon langan luadija.