Midä tahtommo Suomen tazavallaspäi

Kielen pagiziijoukon pidäy ottavuo kielen piendäh, käyttiä sidä arres da pruazniekas. Yhteiskunnan pidäy tarita mahto eliä sil kielel da tarita resursat kielen opastundah da sen käyttöh yhteiskunnas.

Yhtistynnyzien Kanzukundien ristikanzanoigevuksien deklaracies luvatah kaikile oigevus omah kieleh da suaha kazvatus omal kielel da sen pädevys käyttöh yhteiskunnas. Suomi on hyväksynnyh Europan Nevvoston vähembistökielien peruskirjan, kudai tarkendau mittuzii oigevuksii halličuksien pidäy luvata.

Valdivospäi vuotammo:

• kielizakon kudamas ezitetäh ramkat, mittuzii azieloi Suomen tazavaldu lubuau omile karjalankielizile eläjile.
• konstitucii – mainita karjalan kieli tazapuolizesti toizien kodoperäzien kielien rinnal. Ga eihäi kaikis mualois ni ole konstituciedu, olisgo parembi ottua iäre kai konstitucii, ku sidä ollou nenga vaigei muuttua.
• kodirandualoveh – miäritellä karjalankielizien kodirandu, kus pätäh tarkendetut oigevukset da resursat. Rajakarjalazile Pohjas-Karjal, keskuksennu Joensuu libo Ilomanci, vienankarjalazile Kainuu, keskuksennu Kajaani. Eloikeinopolitiekan pidäy tugie toimehtulendua kodirandualovehel. Loittonruadokeskus vois mahtollistua eländäh kodirandualovehel, hos ruado olis muijal. Se vois olla školan rinnal.
• elvytysohjelmu Päivännouzu-Suomen yliopistos, kielipezä da škola, t.s. opastundutroppu nänniniekas yliopistoh da ruadoelokseh.
• opastundumaterjualat, školakirjat da muu nengoine yhtel yhtenäzel karjalan kielel.
• yhtesruado Karjalan tazavallan karjalankielizienke, ku Ven'a tullou tolkuh da on valmis simmetrizeh yhtesruadoh.