Robotiekkua 10-100 vuodehizile?

kielipezät, školat, kursit, ičeopastundu, opastundumaterjualat

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Robotiekkua 10-100 vuodehizile?

Viesti Kirjuttai mp »

Ostin täs kuvatun Sphero-robotan
Kuva
Kui kuvas voi piätellä, se ei ole vahnuon varakse hankittu kodirobottu, kudai kävis laukas da keittäs pudruo. Eihäi hänel ole jalgoi da suudu. Yhtelläh häi kävelöy pyörimäl da pagizou telefonan vuoh Bluetoothači. Aivot piäkul'l'ukas on. Kuvas robottu maguau pezäs, kudamas hänen akkumuluatorat lad'd'avutah induktsiikentäs.

Äijiä kogemustu hänes minul vie ei ole. Sen verran olen proubuinnuh, ku telefonah lad'd'attavii ohjelmii kuundelou da ruadau se mugah. Erähäs ohjelmas häi kyzyy iččiedäh nimittämäh. Sanoin, ole hos Peša. Se oli minun tuatan nimi, nygöi voi tazata komendelun. Ga vie en gostile rubies händy ezittelemäh. Konzu opiin händy kyzyö lattiel vähäzen nellikkyö libo kruugua myö kävelemäh, häibo kargai divanan al da kodvazen muaniteltuu tuli siepäi reduhizennu.

Ga en minä händy yksin bobakse ostannuh (150 eurol). Internetas löydyy demovideoloi. Nämis kahtes videos voi suaha käzityksen, mih häi pädöy: ohjelmoindan opastundah http://www.ilonait.fi/web/kauppa/sphero ... -alypallo/ da iänikomendoloih da toinah sanoin opastundahgi http://www.simplebotics.com/2015/08/thi ... ice-2.html Iänenke voi olla vaigei. Valmehis ohjelmis kielenny on anglii eigo häi meinua ellendiä minun komendoloi. Kuibo opastua händy karjalakse pagizemah? Videon demos iänen tunnistukses on käytetty suurembua tiedokonehtu internetači. Ga sen voi videolois nähtä mittuine motivatsiiefektu brujal on. Ezmäi liikeh, iändely da tulien vilkuttelu. Sit komendoloin tottelu, sit nähtä kui se rubieu toimimah iče kirjutetun ohjelman mugah. Ku lapset 10-100v opastutah robotiekkua karjalakse, se nostau karjalan kielengi prestiižua. Mustan gu erähii vuozii tagaperin piin lyhykkästy kursua suomelas-ugrilazen školan opastajijle. Kluasas käynnyöt školniekat suut avvoi diivuittih: voibigo tiedokonehe kirjuttua karjalakse?

Maria

Re: Robotiekkua 10-100 vuodehizile?

Viesti Kirjuttai Maria »

Sithäi sen voinnou šuorita vihkozeh da kyzyö kabrastamah divanan ual :lol:
Ollou kaksi karjalankielizekse opastettuu Spheruo, sit maltetahto hyö toine toizenke paista, libo ollahgo hyö vaiku kuundelijat eigo iče paista?

Käyttäjän avatar
mp
Viestit: 2108
Liittyi: 05 08 2008, 19:45

Re: Robotiekkua 10-100 vuodehizile?

Viesti Kirjuttai mp »

Onnuako pidäs ommella pluat't'u pitkien helmoinke. Parembi ei ruvettas liijan viizahikse.

Käyttäjän avatar
mp
Viestit: 2108
Liittyi: 05 08 2008, 19:45

Re: Robotiekkua 10-100 vuodehizile?

Viesti Kirjuttai mp »

Nygöi olen pidänyh nengoman kursan. Kuva da linkit uudizeh da opastusmaterjualoih lövvytäh linkis http://karjalankielenkodi.net/uudizet/index.html

Käyttäjän avatar
mp
Viestit: 2108
Liittyi: 05 08 2008, 19:45

Re: Robotiekkua 10-100 vuodehizile?

Viesti Kirjuttai mp »

Suoru linki Sphero-kursan kursumaterjualah täs. Täl nedälil pien jatkokursan Sphero-miäčyn ohjelmoindas Python ohjelmoindukielen. Sen dokumentua voi kaččuo tiä. Suarnu jatkuu vie. Olen tilannuh Marty-nimizen vuaksan korgehuon kävelijän robotan, da toizen KKK:h, kudamien pidäs tulla jiänlähtön aigah. Sidä ohjelmoijah Scratch kielel da Pythonal. Nengomat kursat sit onnuako pidäy pidiä Vieljärven brihaččuloile da, toivottavasti, neidizile.

maria

Re: Robotiekkua 10-100 vuodehizile?

Viesti Kirjuttai maria »

Huavannet konzutah pidiä uuttu algukursua, sit vältämättäh pidäy meijän Juulinke tulla!

Käyttäjän avatar
mp
Viestit: 2108
Liittyi: 05 08 2008, 19:45

Re: Robotiekkua 10-100 vuodehizile?

Viesti Kirjuttai mp »

Vuotan piäjalgastu brihaččuu lapsiensuandulaitoksespäi sulakuun lopul. Hänen virralline nimi on "Marty the robot", karjalakse Martti Robottu.Kävyn keviäl Karjalan Kielen Kois pidämäs Scratch ohjelmoindukielen kursua lapsile (2x3 h). Tämä kieli on suunniteltu lapsile 8 vuvves ylähpäi (ilmai ylärajua) da sil voi ohjelmoija Marttii (kui i Python da C-kielil). Scratch-kielen rakendehet on kiännetty yli 40 kielele, pidäs kiändiä karjalaksegi. Keviän kursoin jälgeh minul toinah on kursumaterjualat, kudamien mugah voizin pidiä monipäiväzet robotiekkukursat lapsien luageril KKK:s 12-16.6.2017.
Jälgimäi muutti 1 päivänny mp, muutettu kaikkiedah 29 kerdua

maria

Re: Robotiekkua 10-100 vuodehizile?

Viesti Kirjuttai maria »

Sen Scratch-kielenke Juuli jo vähä on tuttavunnuh kois

Käyttäjän avatar
mp
Viestit: 2108
Liittyi: 05 08 2008, 19:45

Re: Robotiekkua 10-100 vuodehizile?

Viesti Kirjuttai mp »

Kuva

Käyttäjän avatar
mp
Viestit: 2108
Liittyi: 05 08 2008, 19:45

Re: Robotiekkua 10-100 vuodehizile?

Viesti Kirjuttai mp »

Scratch-kielen kursumaterjualua suau nygöi kaččuo täs ozuttehes. Tämä materjualu on ohjelmoindas, ei vie robotois.
P.S. Siirrin Scratch materjualat yhten tazon verran tyvehpäi. Piälolii linki on jo muutettu.
P.S.2 Kiännändyprotsessu ozutahes hallindollizesti aiga jygiekse. Sendäh en ruvennuh ezmäzekse kiändämäh Scratchan kieldy karjalakse. Toinah on hyvägi ku ohjelmoindukielen sanat ollah eri kielespäi kui ohjelmoijan kieli. Nenga ohjelmoiju ei rubie duumaiččemah ku koneh ellendäs midätahto paginua.

BUTTON_POST_REPLY