Tule opastumah kiändämäh karjalakse!
Mittuine on kiändäjän ruado? Midä karjalakse da karjalaspäi kiännetäh? Da midä pidäs kiändiä? Kui kiännöstiedo opastau kiändämizeh? Kui kiännösprocessu menöy? Kuspäi kiändäi suau tieduo, konzu vastah tulou tundematoi sana? Mittumua hyödyy on kiännösmustoprogrammois? Kuibo menöy uudizien kiändämine karjalakse? Tahtozitgo kiändiä Wikipediedu karjalakse?
Tule kuundelemah nämmis da toizis kyzymyksis Päivännouzu-Suomen yliopiston karjalan kiändämizen opastusseminuarah. Opastuksen järjestäy Kiännä!-projektu, kuduadu rahoittau Konehen Fondu (Koneen Säätiö).
Kiännösseminuaru I (5 op)
Opastusmuvvot: Luvendot da harjoitukset. Oza harjoituksis voibi suorittua verko-opastuksennu.
Opastuspäivät: piätenčy–suovattu 13.–14.11.2015, piätenčy–suovattu 29.–30.1.2016, piätenčy–suovattu 22.–23.4.2016
Syväindö: Ammattikiändämizen opastustu karjalan kielen kiändäjile da karjalan kielen kiändämizes kiinnostunnuzile. Kiännösseminuaras tunnustutah kui kiändämizen teourieh mugai käytändöhgi.
Opastajat: Päivännouzu-Suomen yliopiston kiännöstiijon da karjalan kielen azientundijat sego tulijat luvendonlugijat.
Opastuskielet: opastus organizuijah ozittain suomekse da ozittain karjalakse.
Kohtejoukko: Seminuaru pädöy kaikile karjalan kieles kiinnostunnuzile, ga harjoituksien luadimizeh pidäy olla karjalan kielen maltuo. Päijäh kai karjalan kielimuvvot! Gu ollet jo kiändänyh karjalakse, tule sanelemah omis kogemuksis karjalan kielen kiändäjänny!
Kogo seminuaran suoritannuot suajah omas ozanotandas tovestuksen, ga seminuarah voibi sežo tulla vaigu kuundelemah.
Ilmoittuakseh voibi sähköpoštači projektan koorginuattorale Natalia Giloevale adressih natalia.giloeva@uef.fi 1.10.2015 sah.
Kiännä!-projektu voibi maksua nellän (4) Ven’alpäi tulijan da nellän (4) Suomespäi tulijan ozanottajan matkumenot tarbehen perustehel. Enzimäzel paikal ollah net, ket tullah suorittamah kogo seminuaran harjoituksienke. Gu tarvinnet tugie matkumenoloih, työnnä vällymuodoine pakičus projektan koordinuattorale Natalia Giloevale (natalia.giloeva@uef.fi) 1.10.2015 sah.
Ližätieduo suat koordinuattoras libo Kiännä!-projektan verkosivuloil http://kianna-hanke.blogspot.fi/
Kiännösseminuaru
Valvoi: verkomuagari
-
Sinilind
Re: Kiännösseminuaru
Vie on aigua ilmoittuakseh, ku et vie olle. Lähtekkiä kai kuundelemah da kiändämäh!
-
mp
- Viestit: 2108
- Liittyi: 05 08 2008, 19:45
Re: Kiännösseminuaru
Jovensuus on täl nedälil muudugi. Anneli Sarhimaal on kursu karjalan kieles Suomes. Nelläspäivy Annika Pasazel on luvendo elvytykses da Eira Söderholmal kveenin kieliopis.
-
mp
- Viestit: 2108
- Liittyi: 05 08 2008, 19:45
Re: Kiännösseminuaru
Kävyin kuundelemas Pasazen paginan varavonalazien kielien elvyttämizes da Söderholman paginan kveenilöin kieliopis. Mollembat oldih mieldykiinnittäjät, Pasazen paginas oli enämbi ennestäh tuttavua tieduo, Söderholman pagin tundemattomambi. Hajaduumii kumbazesgi paginas:
Pasazelpäi:
- kai suomelas-ugrilazet kielet ollah Ven'al varavonalazet
- pozitiivine mieli ei pellasta kieldy, kudamua ei paista
Söderholmalpäi:
- kveenii da meänkieldy voi pidiä suomen murdehinnu
- pagizijat mendy pohjazeh Tornionlaaksuo myö
- erähien kielien samanlazus suomen kieleh verraten 62 piirdehen mugah:
suomi 1, kveeni 0.53, meänkieli 0.52, suomen lounasmurdehet 0.35, karjal 0.21
- äijälgo sanal voi ellendiä (suomie): 3000 sanua 94%, 2000s 92%, 1500s 90%, 800s 86%
- kveeniläzil on kielikomitiettu (azientundijat) da kielinevvosto (pagizijat)
Ga ainos pidäy vähäzen ebäillä kontekstaspäi irrotettuloi väittehii.
Yhty vuottazin elvytyspaginoih - suhtettu argielaigah, školah da ruadoh. Konzu lapsi libo nuori lähtöy elvytyksen piiris kieldy tunnustamattomah ruadoelokseh, kielikaivo voi kerras tyhjendyö kannetus vies da nuori kielenmaltai voi kirota kazvattajat da pyzyvästi salvata suun omal kielel. "Pidäs enämbi paista omal kielel" paginat ollah tyhjät, kuni ei puututa, libo opita puuttuo, libo ellendetä argieloksen rakendehii da realizmua, kudamat pakotetah kielenvaihtoh. Sit kieli elbyy konzu lapsi suau kazvua da siirdyö ruadoelokseh enämbi kyzelemättäh mil kielel, nouzemattah ezivaldua vastah. Vastahnouzijoi tarvitah, ga enimistö suvaiččou rutiinua, ei elaijan piduhuttu vastaholendua.
Pasazelpäi:
- kai suomelas-ugrilazet kielet ollah Ven'al varavonalazet
- pozitiivine mieli ei pellasta kieldy, kudamua ei paista
Söderholmalpäi:
- kveenii da meänkieldy voi pidiä suomen murdehinnu
- pagizijat mendy pohjazeh Tornionlaaksuo myö
- erähien kielien samanlazus suomen kieleh verraten 62 piirdehen mugah:
suomi 1, kveeni 0.53, meänkieli 0.52, suomen lounasmurdehet 0.35, karjal 0.21
- äijälgo sanal voi ellendiä (suomie): 3000 sanua 94%, 2000s 92%, 1500s 90%, 800s 86%
- kveeniläzil on kielikomitiettu (azientundijat) da kielinevvosto (pagizijat)
Ga ainos pidäy vähäzen ebäillä kontekstaspäi irrotettuloi väittehii.
Yhty vuottazin elvytyspaginoih - suhtettu argielaigah, školah da ruadoh. Konzu lapsi libo nuori lähtöy elvytyksen piiris kieldy tunnustamattomah ruadoelokseh, kielikaivo voi kerras tyhjendyö kannetus vies da nuori kielenmaltai voi kirota kazvattajat da pyzyvästi salvata suun omal kielel. "Pidäs enämbi paista omal kielel" paginat ollah tyhjät, kuni ei puututa, libo opita puuttuo, libo ellendetä argieloksen rakendehii da realizmua, kudamat pakotetah kielenvaihtoh. Sit kieli elbyy konzu lapsi suau kazvua da siirdyö ruadoelokseh enämbi kyzelemättäh mil kielel, nouzemattah ezivaldua vastah. Vastahnouzijoi tarvitah, ga enimistö suvaiččou rutiinua, ei elaijan piduhuttu vastaholendua.