professoran virgu ilmoitettu avvoimekse

[mp]

Karjalan kielen da kul'tuuran professoran virgu Päivännouzu-Suomen yliopistos on ilmoitettu avvoimekse, kandiduattoi kyzytäh ilmoittaudumah 2.1.2015 15:00 mennes.

Tavanomazien professoran virran vuadimuksien lizäkse sanotah, ku ruadoh kuuluu karjalan kielen da kul'tuuran tutkimus, tutkimuksen koordinuiččemine da kehittämine, karjalan kielen opetukses da opastujien ruadoloin ohjuandas vastuamine da karjalan kielen säilyndiä eistäi yhteiskunnalline toimindu. Professoru sežo vastuau jatko-opindoloin eistämizes da dissertatsieloin ohjuandas.

Virrantäyttödokluadu löydyy http://www.uef.fi/fi/avoimet-tyopaikat/ sivun al.

[mp]

Virgah ollah pyrritty Vesa Koivisto, Niina Kunnas da Janne Saarikivi.

[Sinilind]

Vaiku kolme pyrgijiä? o_O Tuttavii nimilöi kai. Kuspäibo mp* sait tiijon, ket pyrrittih? Kaikin hyö varmah oldas pädijät professorat (ku vai kazvatetah tarbehekse pitkät parrat!). Passibo suuri ruavos da kaikkie hyviä Zaikovalle dai lykkyy da ozua pyrgijöile!

Saarikivihäi aijembah ruadoi Helsinkin yliopistos suomelas-ugrilazen kielentutkimizen professorannu. Moizes roulis häi pagizi ruadivos karjalah näh Historian ääniä: Karjalan kieli -programmas. Mennyöl sygyzyl häi ozannu Eläjät kylät -projektua oli luadimas Vieljärvel karjalankielizii hindulippuzii da tieviehkoi (ruadoh näh voi lugie Oman Muan noumeros 36/2014). Vähäzel aijembah häi kirjutti Helsingin Sanomis omassah palstal kriitiellizel karandišal yliopistoh näh: ”Professoru nygöizes universitietas enzivuoroh on bankanjohtai”. Onnuako häi duumaičou, professoran ruado Päivännouzu-Suomen yliopistos olis hänele enämbäl mieldy myö?

*) Luvimmo ei ammui forumua nuoremban vellenke, da häi kyzyi, ”Mibo ollou mp – makkarapihvi?” Kodvazen mendyy tovendi, makkaraperunat olis parembi.

[mp]

Vaiku kolme pyrgijiä? o_O Tuttavii nimilöi kai. Kuspäibo mp* sait tiijon, ket pyrrittih?

Vaigei on löydiä kolmiegi, ket oldas professorakse pädevät da vie vähäzen maltettas karjalan kieldygi. Kyzymykseh pyrgijöis vastua yliopiston "kirjaamo" kudai vastahottau pakičuksetgi, virguaijannu.
Professoran virran verduamine bankanjohtajan libo pakiččijan virgah on oigein. Nengagi voi sanuo, ku professoran virgah piäzemizekse pidäy ozuttua pädevys moizeh ruadoh kudamah jo ei jiä aigua virgah piästyy. Libo toizin päin: Professoran virgua hoidajen on ylen vaigei tulla pädeväkse professoran virgah. Professoran virgu on mieldy myö sit yliopistos kudamas sen voi suaha.
mp tulou sanois motopyöry libo multiprocessing.

[Sinilind]

En tiedänyhgi, pyrgijät ollah ihan välliä tieduo. Mieldykiinnittäi dielo. Nu, hyvä ku ollou hos kolme. Yksi professoruhäi täydyy. Kaikis pahin olis, ku virgu pidäs loppie sendäh, ku ei ole ni yhty pyrgijiä! Ga žiäli, ku professoran pidänöy olla ku bankanjohtai rouno muijalgi, migu Helsinkis. mp onnuako sitgi tulou sanas martsipuanu.

[mp]

En tiedänyhgi, pyrgijät ollah ihan välliä tieduo.

Pyrgijäl on mahto kieldiä oman nimen ilmoittamine kyzelijäle. Sitgi puaksuh suammo lehtilöisgi lugie sizäpiirilöispäi vuodanuttu tieduo, ken nengoine iččehkieldäi pyrgii on.
Vaigei olis kuvitella suomen kielen professorua, kudai ei malta suomen kieldy libo matemaatiekan professorua kudai ei malta matemaatiekkua, a karjalan kielen professoras, kuibo ollou?

mp onnuako sitgi tulou sanas martsipuanu

Zuaharii olen vältellyh jälgivuvvet. mp-tiijostoloi käzittelen a Moving Picture standartat ei olla sydämen dielo. Motopyöry pidi myvvä ku tuli vahnakse. A multiprocessing iellehgi pädöy.

[mp]

Azientundijat ollah professorat Johanna Laakso (Wien) da Anneli Sarhimaa (Mainz). En ole tarkistanuh tieduo virrallizis lähtehis ga on tovennägöine.

[Sinilind]

Mitbo ollah nengomat azientundijat professoroin valličendas? Hyögo sanotah, ken pädöy virgah?

[mp]

Muga, pidäy olla tiijollizesti pädevy virrantäyttödokluadas kuvattuh virgah.

[Sinilind]

Ollougo ken vallittu virkah? Kiännä-projektan sivuloil lugou, Koivisto ruadau virras opastusvuvven 2014–2015. A kenbo tulien vuon?