Karjalazien kodirandualoveh Pohjas-Karjalah

[mp]

Sobimus karjalazien kodirandualovehen perustamizes Pohjas-Karjalah

Pohjas-Karjalan Muakunduliitto da Karjalan Kielen Seura ollah sovittu perustua Karjalazien kodirandualoveh. Sobimus on ainavoluaduine da histouriellinegi. Enzimästy kerdua suomenkarjalazet alletah yhtehizel väil nostua karjalazien identitiettua da karjalazen kul'tuuran vuittie suomelazes yhteiskunnas. Sidä todevutetah monil uvvenluaduzil projektoil.

Pohjas-Karjalah on jälgivuozinnu keskitetty karjalan kielen da kul'tuuran tutkimustoimindua da sie on Karjalan Kielen Seurangi kielen da kul'tuuran elavutuksen painokeski. Toizet vägevät karjalazien keskukset kui Pohjas-Savo, Kainuu da piälinnualoveh i m.i. karjalazien joukkoineh vietäh kodirandualovehen toimindah. Nenga Pohjas-Karjalas rodih lähivuozinnu ennenägemätöi vägevy karjalaine aloveh, kudai nygöstygi sumbembah ruadau yhtes ven'ankarjalazien ker.

Piäroulis on kaikkii igäluokkii koskii opastus- da kul'tuurutoimindu, a kodirandualoveh sežo nostattau äijän karjalazeh kul'tuurah liittyjiä eloskeinotoimindua, ezim. taidehtuotanduo, kul'tuurutapahtumua, kul'tuuruturizmua da folkloreh perustujua pienyričystoimindua. Rodih uuttu ammattii, ezim. karjalankielisty lapsienkazvattajua, karjalankielen opastajua, kiändäjiä, karjalankielisty matkanjohtajua da giidua. Tavoittehennu sežo on kuhkuttua muijal eläjii karjalazii muuttamah kodirandualovehele. Semmite vuotetah taidoilijoi, käziruadajii, yrittäjii. Sobimuksen mugah kodirandualovehele nostetah karjalankielizii ozuttimii da opastus- da infolaudoi. Internettah sežo tuotetah ezittelymaterjualua. Kai tämä perustuu sih, ku Pohjas-Karjal on vahnua karjalankielisty alovehtu. Kai tämä tapahtuu yhtehizes ellendykses suomenkielizien da karjalankielizien kesken mollembien hyövykse.

Karjazien Kodirandualovehen projektu perustuu sobimukseh da eistyy käytändöllizenny yhteisruavonnu, a myöhembi sobimus da toimehet voijah andua valdivonevvoston lujendettavakse.

[Olói]

Tahtozimmo Vieljärvele suaha Karjalan kieln koin, kuduas olizi kaikemostu joudavan ajan kerhuo karjalan kielel. Hyvä olizi yhtesruavos kehittiä uuzii ruadotaboi

[mp]

Se hyvin yhteh sobis, suomenkarjalazil kodirandu Suomen Karjalas, ven'ankarjalazil kodi Ven'an Karjalas, yhteisruaduo yli rajan. Kui suomenkarjalazien kodirannal on tarkoitus vediä yhteh suomenkarjalazii kogo muas, mugai vieljärveläine kodi vois vediä yhteh karjalazii kogo Ven'an karjalas, yhteisruadoh, toiminduidejoi vaihtamah, kursiloi pidämäh. Ga kumbazelgi puolen rajua samanarvozinnu, oman piän mugah.

[Pekoi]

Dogadin,što Jovensuus pietäh seminuaru kuuves päivy kylmykuudu.Se koskou,toivon tädä aziedu.Opin suaha ohjelmua työnettyy,ollougo jo verkomuagaril?

[mp]

Tiähäi se ilmoitus on:
http://karjalaistenkotiseutu.com/2013/1 ... eminaarin/

[Maria]

Kačo velli, tämähäi olis vie päivy,kuduannu onnuako piäzizimmö sinne ajamah. Puaksuh ollah nengozinnu aijoinnu ku ei päi. Päinnöy, seičas lähtemmö

[Maria]

Lähtimmöhäi, ga olisgo pidänyh en jo tiijä. Enneeglästy piiruadu pastajes hyvin meni moni čuassuu Iivo keral, no egläi ei olluh Iivole mieldy myö. Prostikkua kaikin, kudamil jäi midätahto kuulemattah kuni myö Iivonke erähän kerdua ielleh-järilleh astuimmo, pertispäi da pertih, ku jo luulin hänel kai on hyvin. Huigei on. Parembi ku olis olluh perti, kus olis olluh uksi tagan ku kerras piästä pertispäi. Tulien kerdua kustahto istummo uksen bokas... Libo kuundelemmo uksen toizel puolel.. Loppupaginat olis vie himoittanuh kuulta, toinah ičegi sanaine sanuo, no duumaičimmo parembi lähtemmö jo kodih ajamah

[Pekoi]

Älä jo huijustele!Anna kuuldih vahnat homen'okat "nuoren Karjalan iändy"!