opastajat.net/forum

Foruman toimindas oli häirivyö kuduat kohenduttih päivittämäl uuzimbah phpBB:n versieh, nygöi (20.11.2019) se on 3.2.8

Foruman statistiekku ozuttau yhtel aigua olluzien kävijöin lugumiäräkse konzu midägi: aijembi täl kuul se oli kai enämbi kahtusadua, nygöi 82. Liennego botat ruvettu kiinnittämäh mieldy forumah, vai lienne tukulleh kävväh innokkahat karjalan kielen opastujat?

Onhäi tämä adressi olluh jälgiaijal hyvin nägyvis Suomes da Karjalas, ga hyökkävyksel tunduu. Sih vihjuau segi, ku olen sähköpoštah (vahnan adresin kauti) suannuh taričuksii "syväindönkirjuttajal". Verkohotelin virusskanneri ei lövvä vigua forumas, päivitin foruman uuzimah versieh da vaihtoin ylläpidäjän da tiedokannan tiedokannan peittosanat. Toizielpäi, ku kirjuttajat ollah siirrytty sotsiualizih meedielöin, olen duumainnuh ku ylläpiendäs on liigua ruaduo hyödyh näh. Oman mielen suazin nägyvih ližiämäl opastajat.net verkosivule uudissivun. Toinah vois olla mitahto kebei vastavuskanualu. Olen huaveilluh siirdiä opastajat.net:an omale pikkarazele freedombox palvelimele. Se bruja minul jo on (kuva on https://karjalankielenkodi.net uudizis), en vai ole kerrinnyh sih uppovumah. Denguagi siästys da dielo pyzys omis käzis.

Avain foruman da kačon viego tänne liččavuu tundematoindu (pahoin)käyttäjiä (?). Vaihtoin peittosanoi da jälgiaijal forumu oli salvas sentähgi ku en ni iče tiennyh peittosanoi, eigo olluh aigua uppovuo foruman azendeluloih. Nygöi panin uvvet peittosanat verkohotelile, forumale da foruman tiedokannale. Kačon kodvazen, mittustu liikendehty rodieu.

phpBB:n päivytyksen da peittosanoin vaihton jälgehgi forumal kävyy gost'ua, kuduat varmah ei olla karjalankielizet. Midä hyö ečitäh? Vai algaugo karjalan kielen uuzi nouzu Pohjas-Koreas, Kitais libo Ven'al?