Pidäygo karjalankielisty forumua?

Foruman tarkoitus, registriiruičendu, näppäimistöazetukset

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Re: Pidäygo karjalankielisty forumua?

Viesti Kirjuttai mp »

Olói, etgo vois linkilöih kirjuttua niilöin forumoin ozuttehii, kunne karjalazet kirjutetah ven'aksi (libo karjalakse). Voizimmohäi sie kävvä hos ven'alazii mattisanoi opastumas. Tännehäi myö kirjutammo vaiku karjalakse.

Olói

Re: Pidäygo karjalankielisty forumua?

Viesti Kirjuttai Olói »

Da se on www.vkontakte.ru- saitu. Tämän saitan lugijalgi on oma sivu sie. Ezmäi pidäy registriiruija oma sivu, sit voi mennä gruuppah. Sie on Oma mua-lehten gruuppu da on, ezimerkikse, Olemmo karjalazet!-sivu. Da tämän sivun lugijois vaiku 14 % uskou, sto karjalan kieli suau virallizen stuatussan Karjalas.

Gagarin

Re: Pidäygo karjalankielisty forumua?

Viesti Kirjuttai Gagarin »

Mie en nečis Ol'oin linkkizes piäze n'i kunne!

Olói

Re: Pidäygo karjalankielisty forumua?

Viesti Kirjuttai Olói »

Adressi on http://vkontakte.ru. Da sie pidäy registriiruija ezmäi iccie käyttäjakse, sit vaste piäzöy edehpäi. Olemmo karjalazet-gruupan adressi on http://vkontakte.ru/club340729 da segi ei nävy putilleh enne gu on käyttäjänny.

Olói

Re: Pidäygo karjalankielisty forumua?

Viesti Kirjuttai Olói »

Vie lövvin nengoman http://karelov.net/

Käyttäjän avatar
mp
Viestit: 2108
Liittyi: 05 08 2008, 19:45

Re: Pidäygo karjalankielisty forumua?

Viesti Kirjuttai mp »

Nämmä linkit jo oldihgi linkilöis. Erähičči karelov sivustuo olen kačelluh. Minuu moni kerdua on kučuttu vkontakte sivustole, a en ole mennyh - registriiruiččemattah sidä ei voi lugie da muunkielizihgi "rožakniigoih" en ole yhtynyh. Vikse viegi "opastajat" on ainavo muailmas kogonah karjalankieline forumu.

Pedrunnybly

Re: Pidäygo karjalankielisty forumua?

Viesti Kirjuttai Pedrunnybly »

mp kirjutti: "opastajat" on ainavo muailmas kogonah karjalankieline forumu.
:D :!:

Olói

Re: Pidäygo karjalankielisty forumua?

Viesti Kirjuttai Olói »

Opastajat on paras saitu! Gu kirjutin karjalazis, kuduat kirjutetah pessimistizeh luaduh, net kaikin kirjutetah vaiku venákse. Egläi oli kirjutus ELDIA-projektas Priäzän rajonas. Tuas kaikin kirjutettih karjalan kieles, gu se on kuolemas. Minä kirjutin omii mielii karjalakse sit minun tekstu ei olluh sie hätken, iäreh otettih. Ei sua Karjalas ulgomuan kielilöin kirjuttua, ezimerkikse, karjalakse:(

Käyttäjän avatar
mp
Viestit: 2108
Liittyi: 05 08 2008, 19:45

Re: Pidäygo karjalankielisty forumua?

Viesti Kirjuttai mp »

Olói kirjutti: Da se on http://www.vkontakte.ru- saitu. Tämän saitan lugijalgi on oma sivu sie. Ezmäi pidäy registriiruija oma sivu, sit voi mennä gruuppah. Sie on Oma mua-lehten gruuppu da on, ezimerkikse, Olemmo karjalazet!-sivu. Da tämän sivun lugijois vaiku 14 % uskou, sto karjalan kieli suau virallizen stuatussan Karjalas.
Moizis "tutkimuksis" olen sanonuh oman mielen täs kirjutukses http://opastajat.net/luvekkua/penttonen/icerahvas.html Niilöil on se viga ku net ruvetah iččiedäh todevuttamah, kačo ezim. http://opastajat.net/forum/viewtopic.php?f=9&t=245 Iče en rubie pessimistakse engo optimistakse, toinah olen "jeslimistu": ku karjalazet tartutanneh omua kieldy nostamah, karjalan kieli da kul'tuuru nostah, ku niken ei lekahutanne sormie, karjalazus häviey.

Olói

Re: Pidäygo karjalankielisty forumua?

Viesti Kirjuttai Olói »

da minä taki olen optimistu. Kinnermyä gu rubeimmo kehittämäh sit niken ei uskonuh, sit pidi olla optimistu da lujah uskuo, sto se on ylen tärky hieru da sie ruvetah rahvas käymäh ymbäri muailmas. Da nenga käigi, nygöi kaikin uskotah, da rahvastu tulou Australiespäi. Karjalazii aktivistoi nygöi on jo enämbi gu 80-luvul, konzu Makarov oli ruavos työnnetty iäre gu oli sidä mieldy, sto karjalan kieli on kehittämizen arvoine. En voi ni kirjuttua kaikkien nimii, gu nengomii aktivistoi nygöi on jo äijy. KKS:n kniigat ollah ylen hyvät, niilöin avul rahvas suau uskon, sto karjalan kielel voi kirjuttua kaunista tekstua da tekstu omal kielel koskettau enämbäl. Olemmo muamankel lugemas Juhua joga ildu:)

BUTTON_POST_REPLY