opastajat.net/forum

Linnas minul Linuxu on! Opin taki tulijal nedälil.

Tädä probliemua onnuako on pidännyh reššie kogo tiedokonehen histourien aijan. Joga kerdua vähäzen eri taval, ga ainos on mittuinetahto foukussi kul net kirjaimet voi kaivua konehespäi. Voizit eččie googlel da lugie tekstan "Merkkien kirjoittaminen tietokoneella". Nygözis konehis vois toimie š = AltGr + ' s. Linuxas olen jälgivuozinnu käyttänyh kargiedu foukussii: tiijostos /usr/share/X11/xkb/symbols/fi olen lizännyh tekstuedittoral s:n rivile:
key <AC02> { [ s, S, scaron, Scaron] };
Täs scaron on šliäppypiä-s:n nimi. Tämän jälgeh (uvvelleh käynnistettyy) š = AltGr + s. (Tiettäväine, tiedokonehes pidäy olla net fontat da sen pidäy tundie utf-koodavus.)

Passibo!

Karjalaine custom-näppäimistö 0.2 (syv. suomenkielizen azennus-/iäresotto-ohjehen)
https://www.dropbox.com/s/5xhqld32n838p ... 2.zip?dl=0


[ALT GR]

Iče en joga kuudu Windowsua avua, ga ainos konzu on kyzytty, sillozesgi versies ščž on lövvytty. Uuzimas Windows 10: toimiu, paiči š = AltGr-'+s (AltGr da ' yhtelaigua s jälgeh) kudai jo toimi Windows 8:s, ga vie kädevämbi š = AltGr-s sen jälgeh ku näppäimistökse on azetettu suomi saamenke. En pie hyvinny näppäimistömuutoksii, kuduat hävitetäh "karjan kirjaimikkoh kuulumattomat" kirjaimet, kuibo sit kirjutat "wc" libo "quo vadis" libo "xerox"?

Da! Saame anduakseh dai karjalakse.
(č, ž, ü, š, i.m.i)

Täshäi vikse yksikai suau Alt Gr -nyblänke nämmä w, q, x -kirjaimet? Ga yksikai, toinah omat sormet on jo harjavuttu kus löydyy w, i m.i. ku kirjuttua näppäimistöh kaččomattah, sit en tiijä kebjiehgo harjavus ku se löydyygi toizes kohtas. Ga ihan hyvä duumavo tuvva net karjalan kirjaimet piälimäzekse, da nämmä harvembah pidäjät kirjaimet tuakse.

Nygöi karjalazien kirjaimien luadimizen ei pidäs olla ylen vaigiedu.
Windowsas suomelazeh näppäimistöh pidäy vallita "suomi saamenke" variantu. Sit caron kirjaimet čšž luajitah painamal ezmäi AltGr ' (apostrofu),
sen peräh csz. Diaeresis kirjaimen ü voi luadie painamal ezmäi ¨ näppäindy (apostrofan pohjaspuolel), sit u. Nenga voi i luadie äö ga nethäi jo ollah.
Linuxas nämmä onnuako ruatah samah tabah (kotoistus variantas). Ylen vaigei ei i ole lizätä tiijostos /usr/share/X11/xkb/symbols/fi cC, sS da zZ rivilöile kirjaimien čšž nimilöi ccaron Ccaron, scaron Scaron, zcaron Zcaron, sit net kirjaimet luajitah AltGr:nke.
Ku tiedokonehes ollou ven'alaine näppäimistö (kus on anglien kirjaimetgi näppäimis), Windowsas vois käyttiä suomelazii näppäinazetuksii "suomi saamenke" variantanke, da vaihtua anglienkielizeh näppäimistöh, konzu pidäy kirjuttua eričysmerkilöi %+-=...