Kielen elvyttämizes
Työnnetty: 28 02 2017, 19:06
Jälgiaijal suomelazes meediies on olluh kirjutustu vähembistökielis da kielioigevuksis, toinah liittyjen saamelazien kanzallispäiväh da Kalevalan päiväh.
Helsingin Sanomien pagizuttelus Onnellinen kielimies 10.2.2017 professoru Riho Grünthal sanelou suomelas-ugrilazis kielis, kudamat paiči suomie da mad'ariedu ollah vähembistökielii kudamil ei mene ylen hyvin. Pozitiivizennu ezimerkinny kielenelvytykses häi mainiččou Inarin saamen kielipezän. Da jatkau, ku yhtenjyttyöh vois pellastua karjalan kielen, ei se äijiä maksas.
Toiziel jo kommentiiruičin Suomen Kuvalehten 2017/8 kirjutustu Me sortajat kirjutustu, kudamas hyvin sellitetäh saamelazien ozua, se avvuttau ellendämäh karjalaziengi ozua.
Tänäpäi 28.2.2017 Kalevalan päivänny Helsingin Sanomien yleizönozastos oli Tuomo Salozen kirjutus Pitkään sorretut karjalankieliset ansaitsevat virallisen aseman. Häi sellittäy kui Lönnrot keräi (da keräitti) rahvahanrunohuttu Karjalas, suomendi da luadi Kalevalakse, kui se nouzi suomelazien kanzalliseeposakse. Samah aigah karjalazet ollah suadu eliä ilmai nimittustu valdivollistu tunnustustu, a päinvastoin ollah suadu nähtä sorduo da kieli on puuttunuh varavonalazekse.
Olen jo aijembi tiä sellittänyh ku professoru Leanne Hintonan toimitetun The Green Book of Language Revitalization johtandolugu on erinomaine johtando varavonalazien kielien elävytyksen kyzymyksih. Erikseh vie tahton nostua nägyvih kappalehen "Why care?", mindäh maksau elvyttiä varavonalazii kielii. Kolme kohtua:
- kielitiedo, kielen toimindan ellendys tarviččou kielellisty diversitiettua,
- vähembistökielet da -kultuurat kannetah filosoufistu da ekolougistu tieduo kudai voi ozuttuakseh eloitärgiekse kui biodiversitiettu, da vie
- muamankieli on ristikanzanoigevus, kudai on kirjutettu ristikanzanoigevuksien deklaratsieh. Kielen varavonalazus puaksuh perustuu sordoh.
Hintonan kirjutukses sellitetäh yleizel tazol, kui vähembistökielii elvytetäh - on elvytetty nengomiigi kielii kudamil jo ei ole olluh niyhty pagizijua.
Helsingin Sanomien pagizuttelus Onnellinen kielimies 10.2.2017 professoru Riho Grünthal sanelou suomelas-ugrilazis kielis, kudamat paiči suomie da mad'ariedu ollah vähembistökielii kudamil ei mene ylen hyvin. Pozitiivizennu ezimerkinny kielenelvytykses häi mainiččou Inarin saamen kielipezän. Da jatkau, ku yhtenjyttyöh vois pellastua karjalan kielen, ei se äijiä maksas.
Toiziel jo kommentiiruičin Suomen Kuvalehten 2017/8 kirjutustu Me sortajat kirjutustu, kudamas hyvin sellitetäh saamelazien ozua, se avvuttau ellendämäh karjalaziengi ozua.
Tänäpäi 28.2.2017 Kalevalan päivänny Helsingin Sanomien yleizönozastos oli Tuomo Salozen kirjutus Pitkään sorretut karjalankieliset ansaitsevat virallisen aseman. Häi sellittäy kui Lönnrot keräi (da keräitti) rahvahanrunohuttu Karjalas, suomendi da luadi Kalevalakse, kui se nouzi suomelazien kanzalliseeposakse. Samah aigah karjalazet ollah suadu eliä ilmai nimittustu valdivollistu tunnustustu, a päinvastoin ollah suadu nähtä sorduo da kieli on puuttunuh varavonalazekse.
Olen jo aijembi tiä sellittänyh ku professoru Leanne Hintonan toimitetun The Green Book of Language Revitalization johtandolugu on erinomaine johtando varavonalazien kielien elävytyksen kyzymyksih. Erikseh vie tahton nostua nägyvih kappalehen "Why care?", mindäh maksau elvyttiä varavonalazii kielii. Kolme kohtua:
- kielitiedo, kielen toimindan ellendys tarviččou kielellisty diversitiettua,
- vähembistökielet da -kultuurat kannetah filosoufistu da ekolougistu tieduo kudai voi ozuttuakseh eloitärgiekse kui biodiversitiettu, da vie
- muamankieli on ristikanzanoigevus, kudai on kirjutettu ristikanzanoigevuksien deklaratsieh. Kielen varavonalazus puaksuh perustuu sordoh.
Hintonan kirjutukses sellitetäh yleizel tazol, kui vähembistökielii elvytetäh - on elvytetty nengomiigi kielii kudamil jo ei ole olluh niyhty pagizijua.