Tiedotehniekku

karjalankielizii kniigoi, lehtii, cdromoi, ...

Valvoi: verkomuagari

Käyttäjän avatar
mp
Viestit: 2108
Liittyi: 05 08 2008, 19:45

Tiedotehniekku

Viesti Kirjuttai mp »

Riputin Tiedotehniekku -kniigazen käzikirjutuksen ozutteheh http://opastajat.net/tmp/tieteh.pdf kačottavakse da kommentiiruittavakse. Käzikirjutus on sižäldön puoles moine, ku olen duumainnuh ga se ei ole vie valmis painettavakse. Ei ole vie kanzikuvua eigo indeksua. Kieles, tavutukses da lad'd'uandas on vie äijängi vigua. Tekstugi voi muuttuo sendäh ku en ni iče ole vie lugennuh sidä kirjuttamizen jälgeh. Toinah kuun peräs voin viijä sen painettavakse da silloi otan iäre käzikirjutuksen palvelimelpäi.

Huom. Käzikirjutustu hil'l'akkazeh kohendelen - ezim. indeksan jo olen luadinuh. Konzu suan tämän kohenduskierroksen läbi, riputan tekstan uvvessah, da rubien uvvelleh kohendamah, i m.i. Ilmoitan täs, konzu pdf-tiijosto on muuttunuh.

Yougi

Re: Tiedotehniekku

Viesti Kirjuttai Yougi »

Mielenkiindoista, mutta yksikäi suomen kielen tiedämättä ei sua ellendää...

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Passibo kritiekas. Minul nygöi on vie zobottua sižäldös, opin sit kohdendua kieldy da andua parembien kielenmaltajiengi kačottavakse. Nedälin aloh riputan sižäldön puoles uvvistetun versien da toinah nedäli kaksi edehpäi versien, kudamas kieldygi on kohendettu. Voitgo sit luadie konkriettistu luvetteluo kielellizis kyzymyksis? Sit on vie toine dielo, ellendäygo karjalaine (suomenkarjalainegi) kniigazen sižäldyö?

Minul on teezissannu, ku putillistu terminiä ei voi luadie aziedu da kontekstua ellendämättäh. Se on karjalan kielen suuri probliemu, ku kieldy opastutah vaiku lingvistat, ei toizien aloin ammattilazet. Omas kniigazes voin sanuo, ku sidä ei ole kiätty suomespäi engo luaji terminöi suomespäi. Terminiä luadijes, suomekse libo karjalakse, lähtökohtannu ollah alguperäine, tiedotehniekas anglienkieline sana da merkičys. Sit pidäy löydiä net elementat, kudamis sanan voi luadie da tiediä johto-oppie - selgyrangas minul tiettäväine on suistamonkarjalaine johto-oppi, pidäs parembi perehtyö, midä eruo on livvih verraten.

Ezimerkilöi terminöin luadijan probliemois. Olen iče "computer scientist" da sendäh kudakui ellendän mittuine mašin on "computer", opin ičegi sidä keksindyö parendua. Sen nygösty käyttyö hyvin kuvua sana "tiedokoneh". Tämä sana ei ole kiätty suomen kielespäi, ga se on luajittu yhtenjyttyöh gu suomes. Suomel da karjalal on yhtehine alguperä da sanat tiedo da koneh lövvytäh mollembis kielis. Tiedoturvuterminy "firewall" on 7-kielizen "ATK-sanakirjan" mugah suomekse "palomuuri", virokse "tulemüür", ven'akse (=germuaniekse) "брандмауер". Kuibo se pidäs ottua karjalakse. Karjalas ei käytetä "muuri" sanua kui germuanies, ruočis, suomes da viros. Se vois olla tuliseiny libo paloseiny, olgah paloseiny. Kuibo sit terminy "directory", operuattorusistiemas ylen tärgei käziteh? Suomekse se on "hakemisto", a karjalasbo sana "hakea" ei ole käytös. Olen ruvennuh käyttämäh sanua "luvettelo", ga sit sidä ei sua käyttiä "index" merkičykses, "index" olgah "indeksu"? Kuibo sit "integrity", "confidentiality" i m.i. kymmenii, sadoi, tuhanzii käzittehii? Sanua hyvin luadijes pidäs olla moine nevvosto kudamah kuulutah kielen da substansualan ekspertat. Suomes on moine atk-sanastokomissii, a Karjalas, kusbo otat moizet ekspertat?

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Riputin endizen tekstan tilale ozutteheh http://opastajat.net/tmp/tieteh.pdf uvven versien käzikirjutukses. Erähät luvut (taulukkočotaičendu) on kogonah uvvelleh kirjutettu, erähis toizisgi on suurii muutoksii. Sižällön puoles kniigaine nygöi on kudakui moine, ku täl aijal jovvan kirjuttamah. Toinah kirjutan vie liittehen, kudamas sellitetäh linux-cdroman luadimine da sižäldö. Tämän jälgeh rubien vähäzel kaččelemah lugiettavuttu da kieldy.
14.9. lizäin luguloin loppuh huomaičuksii rubriekan "Duumaiče tädä" al.

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Tädä minä en vuottanuh: lövvän vahnennuon versien "Tiedotehniekku" -kirjan käzikirjutukses da suuren vuitin opastajat.net sivuloi kopiruittunnu ozuttehes http://karielan.wikispaces.com da vie alguperiä mainiččemattah.Tädä minä pien varrastamizennu. Rua vai vuozičotal dengua siästämättäh da lövvä tulokset toizien omannu! Oli aijembigi eräs karjalan ystävy, kudai luadi "omat sivut" minun materjualois, ga häi hos luadi sen linkoil, ei kopiruiččemal.Otti iäre ku pyvvin. Linkoinke sivuloin luadii hos voi kohendella da päivittiä niidy. Opastajat.net sivuloil löydyjih muijal suaduloih tekstoih olen suannuh kirjuttajan luvan, erähis olen maksanuh. Hyö annettih se luba vaiku opastajat.net sivuloil jullattavakse. Tämän jälgeh heil voingo enämbi suaja nimittumua materjualua opastajat.net sivuloil jullattavakse? "Tiedotehniekku" -kniigu on netuas versies jo vägi äijän muuttunuh da viegi vähäzel muuttuu enne kielen kohendustu da painandua. Ga otin jo iäre omil sivuloilpäi.
Tarkendus. Kirjutuksis, kudamis oli kuvua, kuvalinkit ozutettih opastajat.karelia.ru sivule. Kirjutuksis ilmai kuvua alguperä ei nävy.
Jälgimäi muutti 1 päivänny mp, muutettu kaikkiedah 3 kerdua

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Kirjutin jo Tangient kompuanieh, kudai operuiččou wikispaces sivuloi. Toivon, ku kopiruitut sivut kerras otettas iäre, ei himottas mennä suudoh. Arbuan, ku niilöil sivuloil on äijän toizilgi varrastettuu materjualua.

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Enneglästy vie duumaičin riputan kačottavakse uvven versien "Tiedotehniekku" kniigas kuun lopus. Piälmainitus syys jo en riputa, ga riputin syväindöluvettelon endizeh paikkah http://opastajat.net/tmp/tieteh.pdf. Ken tahtonnou kaččuo kniigua enne painandua, kirjuttakkah minule. Syvyskuun aijannu kirju vie muutui vägi äijän. Sivuu nygöi on 103 ga kniigannu enämbi. Sižäldö nygöi on kudakui valmis, a tarkistusluvendas da kielentarkastukses voi vähäzel muuttuo. Ligakuun loppupuolel annan painettavakse.

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Jälgimäzet päivät olen diivuinnuh opastajat.net sižäldölöin varrastustu da kyzellyh: Eigö huigiettomuol ole nimidä rajua? Ongo mieldy laittua Internettah oman ruavon tuloksii, ku tulos on tämä? Kirjutan täh avvonazen kirjazen varrastajale: Häihäi kävi tädä teemua lugemas da sen avul löydi linkan kniigan käzikirjoitukseh, hos ei ellendänyh viestii, mih niškoi se sie oli.

Hyvä karielan.wikispaces.com sivuloin ižändy

Olemmo yhtes azies yhty mieldy: Hyvä olis ku karjalan kieli nägys Internetas. A minun mieles sih niškoi pidäy ičen ruadua, ei varrastua. Nygözelläh mainitun sivuston nimekse parembi pädis karjalan.vargahat.wikispaces.com. Putillizeh tabah toimijen olizit voinnuh kyzyö, voitgo azettua linkin omis sivulois päi opastajat.net sivuloin juuren da kui ezitellä nämmä sivut. Sit olizin passiboinnuh sinuu eigo olis roinnuh al luvetelduloi probliemoi.

Minule syvän pettymyksen tuotettih nämmä šeikat:
  • Kui toine voi kyzelemättäh kopiruija minun monivuodizen ruavon, kudamah olen sijoittanuh tuhanzii jeuroloi muul ruavol tienattuu dengua da ozuttua sen muga kui omannu ruavonnu.
  • Kui voin sellittiä omile tiedolähtehile, ku tiedo kargai. Kyzelles, tekstoi pyydäjes da kuvua ottajes ainos sanoin, ku tämä tulou opastajat.net sivuloile da konzutah niidy voi kohendua libo ottua iäre. Moine massiivine varrastamine ei ni tulluh mieleh.
  • Hos erähil sivuloil nägynnöygi luadijan nimi, a varrastetuil sivuloil alguperäzel luadijal jo ei ole mahtuo ylläpidoh.
Kyzymykset sinule:
  • Eigo ni mieleh tulluh kyzyö lubua sižäldölöin kopiruičendah? Libo varaitgo sidä, ku toinah et suas lubua da sikse kopiruičit luvattah.
  • Kui duumaičit ylläpidiä sivuloi? Lähtetgo iče školile ajelemah da kyzelemäh libo vuotatgo ku "nägymätöi käzi" sinule ilmai ruadas? Ičego päivität erähien sivuloin tagan olijat Python, Javascript da Java-ohjelmat?
  • Hätkengo uskot, ku voit sivustuo kazvattua ryöständymallil.? Muailmal on Karjal-wikipedian alguloi. Eigo olis parembi yhtes niilöinke oppie luadie putillistu Karjal-wikipediua rehellizin keinoin.
Täs tilandehes: Pyhki iäreh minul da toizielpäi luvattomasti kopiruitut sižäldöt da pyvvä andieksi teguo! Kuda teriämbi sidä parembi.
P.S. Tilandeh tänäpäi 1.10.2009. Tangient yhtivö, kudai tariččou palvelindu, minule vastai da pyydi ilmoittamah ku sivuston haldivoiččii ei terväh ottane yhtevytty. Ilmoitin tožo Periodika-julguamole, ku hyö kačottas, min verdu heilpäi on luvattah kopiruittu. Toizilegi pidäs ilmoittua, ku ollou tarbehellistu.

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Kirjutin sivuloin kopiruiččijale:
Varrastettuu libo ei ga täyzin morualitoi tego. Luve minun kirjaine opastajat.net/forum:al, kniigoi forumu, tiedotehniekku teemu. Pyhki iäre kai opastajat.net sivustolpäi kopiruitut tiijostot da ole rauhas minun puoles.
I nenga häi vastuau:
http://opastajat.karelia.ru/ was given from the beginning. Unfortunately, on this site there are no direct instructions on authorship, authors of pages therefore have not been listed, but on it there is no also a sign on protection of copyrights that does its legal status uncertain. So about "morals" - the law, both Russian, and American has not been broken even.
Kai min suau irdi on omua!

Käyttäjän avatar
mp
Viestit: 2108
Liittyi: 05 08 2008, 19:45

Re: Tiedotehniekku

Viesti Kirjuttai mp »

Probliemu buite gu selgiey. Mainittuloin sivuloin ižändy, nimie en ni tahto tiediä, jo on uskaldanuh ottua iäre opastajat-sivuloilpäi kopiruitut sižäldöt. Minun ultimuatum oli da on - ku net ei hävitänneh nedälin aloh, salbuan opastajat.net da opastajat.karelia.ru sivut. Abuu sellittelyh sain Tangient kompuaniespäi Amerikaspäi, kudai andau resursua wikisivuloih näh. Sežo passibot Yougile, kudai avvutti sellittelys.

BUTTON_POST_REPLY