Minul ei ole kasiettoin levitysoigevuksii, a sain luvan kopiruija ičele - ku noussou suuri tulvu Anus-jogeh, libo tulenišku poltau kasietat, jiähäi Brendojevan iäni hos koupiele. Lövvin stolajuaššiekas vahnan kasiettusoittimen da kopiruičin tiedokoneheh flac-formuatas. (Free Lossless Audio Codec, hävittämätöi, kučistettu, cd-luaduine formuattu.) Kaksi kolme kerdua olen kuunnelluh, lopukse duumaičen kopiruija net audio-cd:kse.
Enzimäzen kasietan allus on sellitys, mit ollah nämmä kasietat. Sellityspaginan kirjutin alle tekstakse. Sen jälgeh luvettelen
kai runot, kudamat lövvytäh kasietoil. Enimät niilöis tožo lövvytäh sivunoumeron mugah "Jättie hyvä jälgi muale" kniigazes libo "Kodoimual" kniigazes. Kahten kolmen runon lopuspäi on jiännyh iäreh palaine nauhan lopundan däh - net olen merkinnyh tiähtel.
Karjalan Kielen Seura sobi Vladimir Brendojevan leskenke, ku Pekka Mikšijev lugou iänikniigakse Brendojevan runot. Buite jo lugigi da iänikniigua voi ruveta ostamah KKS:späi algusygyzyl.
Vladimir Brendojev pagizou:
Runot kniigaspäi "Anusrandaine"Hyvät kuundelijat
Anuksen paikallizen muzein ruadajat pakittih minuu kirjuttamah kasietal omii runoloi. Sih näh muziele jiäy säilytettäkse paiči runoloi, kirjutettuloi bumuagale, minun iänigi. Minun kyzyndäh kudamatbo sit runolois lugie sanottih, kaccuo iče kudamat tahton. A se dielo ei ole moine prostoi, ei moine helpo, ku pidäy olla oman ruavon suudijannu da hinnan panijannu. Hos kirjuttelin minä runoloi läs kolmiekymmen vuottu, kirjutettuu on vähä, kaikkiedah nelli hoikkastu kniigastu. Mindäh se muga? Ezmäzeksi ku minä rubein kirjuttamah, ga sil aigua ei suannuh ni ruahtie duumaija, što livvikse kirjutettu liygiläset runot kustahto pečatoijah. Läs kymmendy vuottu minä kirjutin omah tetrattih. A ku dielo muga oli, ga kirjutandugi ei ylen hyvin mennyh. En ylen suurel tarmol ni kirjuttanuh. Toizeksi ni silloi, ni täh päivässäh ei ole livvinkielisty slovarii. Vähäzen karjalankielisty da karjalan kieldy koskijua kniigua minä täs aijas keräin, ga se on pienet muruzet. Dai niit on enimät Suomespäi työtyt, minule hyvyös hyvytty työttih. Meil omas muas livvin kieldy ei tahtota tunnustua, pengotah, syrjitäh sidä, ahtistetah kui sua da mil voit. Eigo roinnuh täs aijas ni slovarii eigo ni bun'uu. Sit kačo oppikkua duumaija, ongo vähän nämmä nelli hoikkastu kniigastu.
Nygöi luven erähii omis kirjutettulois runolois. Jällitys sen mugah gu oli kirjutettu hyö omal aijal. Erähät nygöi ozutettahes, ei sigäli ni hyvät. Noh, kui sanotah duumaičin parembazet olgah muga kui oldih kirjutettu. Kui sanotah, sil nygöi marki nait.
Enne vuottu 1980
Heinargiehty
Järvirannal
Sygyzy
Kalal K54
Pihlajale 73
Vuotan sinuu 71
Umbai tuhu hierukesken
Petties 88
Pedäjän kyynälet 56,
Koivikkomeččäine 100
Rakkahat rannat, vedehet vedryöt 31
Tusku
Midä olet atkal
Lumi 57
Kuudamoine
Kuldulehti koivahaine
Synnyinrannal valgei koivu 28
Iivan da Nastoi 86
Pieni uuhi 98
Anusrandaine 30
Baiju, liipoilinduzeni 99
Soita veikoi 91
Tuomen vezaine 83
Matkuajal
Oh, järvi läipettäy 82
Anusrannale 14
Meijän hierus järvi läikkyy 90
Midä itkenöy tuuli ikkoinal
Smiettizin vai kuldoi tulet 85
Kniigaspäi "Hiilau huoli"
Vuvvet 1980-82
Valgei valgamoine* 84
Myö kerryimmö yhteh
Kus löydys vie rakkahin randu
Anus 11
Kižis
Ozan andamuat 5
Kodoimuale 8
Ma linnaseläi 22
Kus työ pienet hierut 6
Eloksen ratas 11
Ei tuatto ravei olluh kirjah 26
Miehii tunnen kahtu luaduu 42
Suatandu
Kiven vestäi 44
Paginal 45
Vahnan miehen valitukset 37
Venehel 50
Sinul ikkoinal
Hierun kujos 89
Lahjo millo 78
N'utoi 79
Midä minä suvaičen 33
Sinä seizot ikkunpieles 80
Eule pahua aigua
Talvi 65
Kuuzahazen kodih toimmo 115
Kevät mecäs 70
Unissah on järvenselgy 54
Sordi linnas lehtet toppoli 60
Ryösti sygyzy sovat 59
Astun, vai kaššali räigäy 21
Valgei valgamoini* 84
Kniigaspäi "Kadajikko"
Vuvvet 1983-86
Ei sammu ahjo Ilmarizen 34
Myö huolitammo panna hinnan 48
Ei hyvä hyvittelei hyvyön azuttuu 47
Velleskalmal 35
Died'oi n'apsuttau, trupkan kel nukkuu 36
Liitto
Miehen mustelmat 24
Voimattoman huolet
Kunne lienne huškahtih 49
Minä jaksan jälgimäzen paijan 15
Ammuigo? Vastevai mulloi 16
Luadogal 32
Kudojale 41
Eläy tyttöine alangol lagial 77
Löydiät soitto, hobjuiäni 76
Zor'ku kezäehtäl 75
Azu moine čuudo 74
Se on sygyzy 110
Kniigaspäi "Sä olet armas"
Vuvvet 1986-88
Sä armas olet 19
Kodoilas 27
Miehet nuoret 43
Sä mustat
Pienes hierus
Vihmal
Valitus 40
Ni särähtäi ei koivun lehti 72
Kezäyö
Šuroile
Myöhästynnyh kezä
Myös tuomi halvastau 52
Sygyzyl 61
Huavan lehti jalgoih pakkuu 62
Talven iel 64
Jiäviy talvi tavan pahan 67
Talvipäivän 68
Uvven vuvven toivomus 116
Soitto
Vakustus
Pelastus
Tulen tyves
Vajočču
Kiireh
Mikse mennä mierole
Kiännökset
Ven. baijutuspajo: Syvysvihmu pihal 117
Kol'tsov: Elä huovu, ruiš 119
Kol'tsov: Köyhän oza 120
Lermontov: Baijutuspajo 121
Jesenin: Engo kuču, itke en, ni žiälei 126
Jesenin: Jo tuuli kuldukoivikkoštu riibiy 127
Jesenin: Koivu 128
Jesenin: Kl'ona minun armas 130
Jesenin: Kuules - regi lendäy 131
Jesenin: Ikkunan piäl kuudam 132
Jesenin: Kudoiheze ruzappo zor'ku järvivies 133
Jesenin: Tuomi myös ripoittau lundu 134
Jesenin: Vältymmö myö nygöi vähin-vähin 135