sanakirju

karjalankielizii kniigoi, lehtii, cdromoi, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

sanakirju

Viesti Kirjuttai mp »

Olen jälgimästy kerdua kohenduslugemas da tavoittehennu olis enne äijiäpäiviä työndiä painamoh alkuvatun nägöine kniigu:
Martti Penttonen
Karjal-Suomi-Karjal sanakniigu
KKS 2016, 476 s.
Kuva
Algusanat:
Tämän sanakirjan enzimäine painos piäzi ilmah vuonnu 2006. Nygöi kymmene vuottu da puolitostu tuhattu kirjua myöhembi sanakirjua on äijäl päivitetty: Sanalugu on kazvanuh nelländeksel, hos erähii vahnoi sanoi on lykätty iäreh. Kiännöksii, ezimerkilöi da oigiehkirjutustu on kohendeltu. Loppuh on liitetty kylännimien da muannimien luvettelot.

Oli hyvinperusteltuloi toivomuksii sanakirjan kehittämizeh näh, kudamat ei todevuttu: Pikkaraine kielioppi olis hyvä. Sanan taivutus da käyttö virkehes olis hyvä ozuttua. Kuvatgi hyvin sellitettäs sanan merkičysty. Oli mieles liittiä loppuh tiijollizii eričyssanastoloi. A sit pidi lämbyö realizmah - elaigu on lyhyt, olis muudugi ruaduo. Sendäh tämä sanakirju iellehgi olgah ``kormanisanakirju'', kudai avvuttau ellendämäh tavallizimien sanoin merkičyksen, enämbi nevvomattah kui sanua käytetäh. Onhäi hos ezimerkilöi.

Ylen suuret passibot kniigan roindas kuulutah L'udmila Markianovale da Tatjana Boikole, kudamien školasanakniigu oli tämän sanakirjan allunnu. L'udmila Markianovalluo kävyin pitkien sanaluvetteloinke da sain vastavuksii vaigieloih kyzymyksih. Äijän kyzelin Jelena Bogdanovalgi da sain abuu vaigevuksis. Passibot monile sanakirjan käyttäjile, kuduat ollah ozutettu hairavoloi --- Sanna-Riikka Knuuttilaspäi sain luvetteluo enzimäizen painoksen, Aleksi Ruuskazespäi tämän tävvendetyn painoksen hairavolois. Passibot vellentyttärele Paulale kanzikuvas.
Jälgimäi muutti 2 päivänny mp, muutettu kaikkiedah 30 kerdua

Gagarin

Re: sanakirju

Viesti Kirjuttai Gagarin »

Endini julgavo tuas kniigas miul jo on a pidäy onnuako sid ossua vie tua uvvembi verzii ku ollou muga äijä uuzie sanaloi sinne lizhätty.

Sinilind

Re: sanakirju

Viesti Kirjuttai Sinilind »

Uuzien sanoin ližäkse on kohendettu hairahtuksii. Sendähgi maksau ostua.

Opihäi mp vie päivy libo kaksi hos linduzii syöttiä, suat kommentua da kohendusehtotustu huomei libo kolmanpiän.

Käyttäjän avatar
mp
Viestit: 2108
Liittyi: 05 08 2008, 19:45

Re: sanakirju

Viesti Kirjuttai mp »

Onnuako täl nedälil en ihan kergie läbi lugie, tarkah pidäy lugie. Mäne tiijä monettugo kerdua luven da ainos löydyy hairavuo/kohendettavua/parandettavua. Ga valmehembal tunduu. Ihan valmis jo olisgi kuoleman merki.

Käyttäjän avatar
mp
Viestit: 2108
Liittyi: 05 08 2008, 19:45

Re: sanakirju

Viesti Kirjuttai mp »

Egläi työnnin sanakirjan painettavakse. Yksi sanakirjan ezimerkivirkehis on "Livvin kielen sanakirju toi Makarovale iluo dai tuskua". En tahto iččie verrata Makarovah, a se virkeh ozuttau mittuine ruado on sanakirjan luajindu. Makarov sanakirjuadah luadi kymmene vuottu, ilmah se piäzi 18 vuottu hänen kuolendan jälgeh. Ičel täh "kebjieh" päivitykseh uppoi monen kuun ruado. Mänetiijä äijngo kerdua sidä luvin, joga kerral löydyi kohendettavua da parandettavua. Vikse on nenga ku sanakirju ei valmistu kuni luadiju libo kieli ei kuolle.
Kuda enämbi aigua kului, sidä enämbi kazvoi varmus ku pyzyn "kormanisanakniigu" formuatas - luvetella sanoi da niilöin ligimiäräzii vastinehii livvispäi suomeh (16913) da suomespäi liygih (15322). Käyttäjäl pidäy olla hyvä kielen da kieliopin taju da levei korpussu ezimerkitekstua, libo käyttiä "pidginkarjalua"/"pidginsuomie" - ga tämähäi ongi "kormanisanakniigan" funktsii.
Sanakirjah jäi vie liigua "kyhlähii" da "liyhtehii" da kuvailijoi sanoi. Opiin ammui ičegi nengomii ruadoloi ruadua ga viidehkymmeneh vuodeh sil nerol ei ole olluh käyttyö. Kielen tiettäväine pidäy olla eläviä, a iččiedäh kunnivoiččii savolainegi ei kahtu kerdua kuvua samua ilmivyö samal sanal, sit ongo hyödyy ličata sanakniigah? A kuibo suaha inženierat, elättiliägärit da virguniekat kehittämäh omua ruadosanastuo karjalakse. Tundiettulois Ven'an Karjalan karjalankielizis kirjuttajis on inžerierua, ga hyö eibo kirjuteta omas ruadoelokses a mustellah ammustu kyläelaigua. Karjalan kieli pidäs olla kvantufiiziekan opastujan sivuainehennu. Karjalan kieli uinoi ristikanzan ijän. On vie tagamatkua juostavannu.

Käyttäjän avatar
mp
Viestit: 2108
Liittyi: 05 08 2008, 19:45

Re: sanakirju

Viesti Kirjuttai mp »

Sanakirjan uuzi painos piäzi ilmah da tänäpäi tuli KKS:n Joensuun toimistoh. Iče vie en omis käbäzis pidänyh.

BUTTON_POST_REPLY