Muumitata da meri
Valvoi: verkomuagari
- mp
- Viestit: 2108
- Liittyi: 05 08 2008, 19:45
Muumitata da meri
Tuandoi, nenga nedäli kaksi tagaperin, oligo Helsingin Sanomis vai Suomen Kuvalehtes, kirjuttai Katja Kettu mainičči yhtenny lembikirjannu Janssonan "Muumipappa ja meri" (< "Pappan och havet") kirjan da sanoi ku se on ruavahille kirjutettu kirju kudamas duumaijah yksinäzytty da suhtettu toizih. Samah aigah puutui minun käbäzih vie julguamatoi kiännös "Muumitata da meri" da olen täs kirjas ihan samua mieldy. Kiändäigi sanoi ku tämä kirju oli pessimistine da vaigiembi kiändiä migu aijembat. Persounii on vähä, Muumitata, Muumimama, Muumipeigoi da Pieni Myy, da sivupersounannu majakanvardoiččii. Muumitatan probliemannu on kazvoloin, prestiižan da autoritietan säilyttämine. Muumimama on sovittelii, kudai yhtelaigua oppiu iččiedäh todevuttua da omua vällytty eččie. Muumipeigoi, hyvätabaine brihačču oppiu kazvua iččenäzekse. Pieni Myy on realistu da plakkuau sanuo toven da sordau tolkuttomat huavehet muan pinnale. Kui Tove Jansson on sanonuh, kaikkih persounih häi on vähäzen iččiedäh pannuh. Kiändäjän piädy vie harmendau se, gu Janssonan mielikuvitusmuailmah ainos sevoittuu egzaktu luonnontiijolline tiedo, kudaman sanastuo karjalan kieleh ei vie ole ni putilleh luajittu, niidygi kohtii ei suas kuitahto kiändiä.
Re: Muumitata da meri
Oh! Minä i duumaičin, mibo ollou tulii kiännös. Ylen hyvä, ku on Muumitata da meri. Äijän tädä vuotan. Da äijän pidäy passiboija da kunnivoija Natalja Sinitskoidu, ruadajua inehmisty, ken nenga ruttoh on muumiloi kiändänyh toizien ruadoloin bokas.
Katja Ketun Kätilö-romuanas merel sežo on suuri rouli da yhtevys yksinäzyöh. Menetiijä, ongo Muumitata da meri kui sih vaikutannuh.
Muumitata da meri ei ole yhtenmoine, kui aijembat muumikniigat, eigo sendäh olegi erähile mieldy myö. Hos kai muumikirjat päitähgi kui lapsile mugai ruavahile, neče toinah on kaikkii vähembi muga sanottu lapsienkirju. A tämä miäritelmy minuu ei miellytä, sendäh ku se ei arvosta tävvelleh lapsien ellendysty da tundoloi. Ei kaikin ainos pie olla vaiku vessel. Ved’ lapsil samat tunnot ollah, kui i ruavahil.
Kirju algau, konzu Muumitata tundou iččie tyhjäkse. Dabakkumuan tagan oli tulipaloine, ga händy ei nostatettu maguamas. Muumimami duumaiččou, truvaspäi lendänyh kyven sytytti tulipalon. A moužet ketlienne sie opiteltih poltua dabakkua... libo vähimyölleh dabakkumuadu.
Hos ylen ylen äijäl suvaičengi muumimultikkua, Muumitatan da meren pohjalpäi luajitut ozat kaimatah erähii kirjan teemoi. Majakanvardoiččii da hänen yksinäzys ollah suurembas roulis. No tiettäväine et sua kogonastu kirjua syndymäh kahteh ozah, eigo ole ni tarkoitus. A niilöis ozis onnuako on kaikkii varaittajambi kohtu, huamulaivu...
Katja Ketun Kätilö-romuanas merel sežo on suuri rouli da yhtevys yksinäzyöh. Menetiijä, ongo Muumitata da meri kui sih vaikutannuh.
Muumitata da meri ei ole yhtenmoine, kui aijembat muumikniigat, eigo sendäh olegi erähile mieldy myö. Hos kai muumikirjat päitähgi kui lapsile mugai ruavahile, neče toinah on kaikkii vähembi muga sanottu lapsienkirju. A tämä miäritelmy minuu ei miellytä, sendäh ku se ei arvosta tävvelleh lapsien ellendysty da tundoloi. Ei kaikin ainos pie olla vaiku vessel. Ved’ lapsil samat tunnot ollah, kui i ruavahil.
Kirju algau, konzu Muumitata tundou iččie tyhjäkse. Dabakkumuan tagan oli tulipaloine, ga händy ei nostatettu maguamas. Muumimami duumaiččou, truvaspäi lendänyh kyven sytytti tulipalon. A moužet ketlienne sie opiteltih poltua dabakkua... libo vähimyölleh dabakkumuadu.
Hos ylen ylen äijäl suvaičengi muumimultikkua, Muumitatan da meren pohjalpäi luajitut ozat kaimatah erähii kirjan teemoi. Majakanvardoiččii da hänen yksinäzys ollah suurembas roulis. No tiettäväine et sua kogonastu kirjua syndymäh kahteh ozah, eigo ole ni tarkoitus. A niilöis ozis onnuako on kaikkii varaittajambi kohtu, huamulaivu...
- mp
- Viestit: 2108
- Liittyi: 05 08 2008, 19:45
Re: Muumitata da meri
Vastevai olin Nataljalluo paginal kiännöksen däh, se rubeiu olemah valmis. "Muumitata da meri" kniigua lugijes en voi olla yhtistämättäh muumiperehty Janssonan pereheh. Iče häi on konzu Muumimamannu, konzu Myynny. Unohtin mainita ku Mörröl on täs kirjas suuri rouli.
Muumifil'moin luadijat onnuako enämbi suvaijah luadie toimindufil'mua migu upota filosoufizih duumih. Nengomua huamulaivua kirjas ei ole. Se on heijän käzitys midä pidäy olla lapsienfil'mas.
Kirjas sormi ihan selgieh ozuttau Muumitatah kudai poltau bumuagoloi da sit vie tyhjendäy trupkan tulipalon kohtah. Kirjuttai kritikuiččou auktoritiettua kudai valehpyhästi toizii nevvou a iče toizin ruadau tunnustamattah omua riähkiä.Sinilind kirjutti: Kirju algau, konzu Muumitata tundou iččie tyhjäkse. Dabakkumuan tagan oli tulipaloine, ga händy ei nostatettu maguamas. Muumimami duumaiččou, truvaspäi lendänyh kyven sytytti tulipalon. A moužet ketlienne sie opiteltih poltua dabakkua... libo vähimyölleh dabakkumuadu.
Muumifil'moin luadijat onnuako enämbi suvaijah luadie toimindufil'mua migu upota filosoufizih duumih. Nengomua huamulaivua kirjas ei ole. Se on heijän käzitys midä pidäy olla lapsienfil'mas.
Re: Muumitata da meri
Hurra-a! \ / KKS:päi työttihgi viestii, ku piäzis ilmah talvikuun allus. Minus rastavannu kaikis karjalazis libo muite vai muumiloi suvaiččijois perehis pidäs lahjapakietaspäi pal’l’astua neče kirju!mp kirjutti: Vastevai olin Nataljalluo paginal kiännöksen däh, se rubeiu olemah valmis.
Libo toinah se oligi Myy, ken ainos hos midä pahua ruadau da käski Tuattua työndiä ližiä bumuagua tuleh! Libo moužet Muumitata omis peittomielis tahtoi luadie tulipaluo, ku tundie iččie tarbehellizekse. Onnuako häi jo valmehekse tunzi iččie tyhjäkse, a pluanu ei ruadanuh putilleh, eigo händy ni nostatettu. Jällespäi häi vai tunzi iččie vie tyhjembäkse...mp kirjutti: Kirjas sormi ihan selgieh ozuttau Muumitatah kudai poltau bumuagoloi da sit vie tyhjendäy trupkan tulipalon kohtah. Kirjuttai kritikuiččou auktoritiettua kudai valehpyhästi toizii nevvou a iče toizin ruadau tunnustamattah omua riähkiä.
Libo toinah luadijat duumaittih, pienet lapset enämbi suvaitah toimindufil’mua, migu upota filosoufizih duumih. Kniigu da multikku ollah eri meediet, eigo samua starinua voi kerduo mollembis yhteh rugah. Sovituksis ainos pidäy smiettiä, midä jättiä iäre da midä muuttua, ku olis pättävy uvves formuatas. Yhtelläh muumimultikois sežo on syvembi, ruavahile pädii tazo. Hos muumikniigat ollahgi parahimat muumikerdomukset, ga minul pidäy puolistia multikkoi sendäh, ku net minus ollah parahimii lapsih niškoi luajittuloi programmoi. Muumiloin litsenziedy on käytetty hos mittumih mielettömyksih, a 90-luvun japounielaine sarju niilöih minus ei kuulu (jälgimäzii ozii paiči).mp kirjutti: Muumifil'moin luadijat onnuako enämbi suvaijah luadie toimindufil'mua migu upota filosoufizih duumih.
Muga, a se yksikai on ylen hyvä kohtu da andau andiekse sidä, mi on kaimattu sovitukses. Menetiijä kui äijät lapset suadih unipainajastu huamulaivan periä. Iče viegi varuan hil’l’akkazeh uvvessah jiädyjän jiäškuapan huamumaizii hengähtyksii.mp kirjutti: Nengomua huamulaivua kirjas ei ole. Se on heijän käzitys midä pidäy olla lapsienfil'mas.
- mp
- Viestit: 2108
- Liittyi: 05 08 2008, 19:45
Re: Muumitata da meri
Egläi työnnin kiännöksen KKS:ah verstaittavakse. Kirjan suandu enne rastavua voi olla optimistine tavoiteh, ku julguanduoigevuksii (da kuvii) haldivoiččijal julguamol ollah dielot levälläh. Ga toivommo.
Re: Muumitata da meri
Ainos voit uskaldia, enne rastavua tulou, ku et vai sano, min vuvven.
- mp
- Viestit: 2108
- Liittyi: 05 08 2008, 19:45
Re: Muumitata da meri
voi se vie kerritägi enne 2015 rastavua
Re: Muumitata da meri
Elä sie nenga minuu muokkua! Elämmö, kačommo. Työnnin jo KKS:le sähköpoštua, ku tilata kirju etukädeh.
- mp
- Viestit: 2108
- Liittyi: 05 08 2008, 19:45
Re: Muumitata da meri
Sinun muokkuandan däh en kirjuttanuh, sendäh kirjutin ku regi jo lähti liikkehele ezmäzen viestin jälgeh.
- mp
- Viestit: 2108
- Liittyi: 05 08 2008, 19:45
Re: Muumitata da meri
Nygöi tämä kirju
tiettävästi on jo piässyh ilmah kirjupainospäi. Iče en ole vie valmistu kirjua omis käbäzis pidänyh, hos olengi kolmeh kerdah lugenuh. Ylen vagavu kirju kui tagakannesgi suau lugie. Ehtottomasti rekomendiiruičen.
Tove Jansson:
Muumitata da meri
kiändäi Natalja SInitskaja
Karjalan Kielen Seura, 2015, 204 s.
tiettävästi on jo piässyh ilmah kirjupainospäi. Iče en ole vie valmistu kirjua omis käbäzis pidänyh, hos olengi kolmeh kerdah lugenuh. Ylen vagavu kirju kui tagakannesgi suau lugie. Ehtottomasti rekomendiiruičen.