Vladimir Brendojev: Suurembua ei ole ozua

karjalankielizii kniigoi, lehtii, cdromoi, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Vladimir Brendojev: Suurembua ei ole ozua

Viesti Kirjuttai mp »

Vladimir Brendojev:
Suurembua ei ole ozua
Juminkeko/Periodika, 2014, 234s
Kuva
Ostin tämän Brendojevan festivualis Oman Muan toimittajal. Sanottih ku heile sidä kirjua jäi vaiku 9 palua, toinah muijal vie löydyy, onhäi Juminkekogi toine julguaju. Täh kogomukseh on kerätty kudakui kai Brendojevan runot da prouzu Sen rinnal pädöy kuunnella tädä cdromua.

Suomelaine lugiju voi kiinittiä huomivuo, ku "Kadajikko" kniigazen runot ollah puhtastu nevvostopropagandua, ga onhäi hyvä tiediä, ku "Voiton humalas on poijat 'Suuren Suomen'" libo "Mene pappi, ahnas teijän jumal" libo "Komsomol on kanzan tahton noudai" libo "Kirjatoi vai vahnem polvi oli. Eli häi kui sogei - käzimujuh. Sikse himol työttih lapsii školih". Ga hyvä on segi tiediä ku kuolles Brendojev jätti stolale runon
Oma mua, a valdu vieras
vieras linnas, vieras hierus
vieras valdu, vieras kieli
vieras kieli, vieras mieli
Tädä en kogomukses lövvä. Ga eihäi pie ottua runoilijua opastajakse. Se ei ole runoilijan virgu. Hänen virgu on vaiku ähkätä lugiju raizivolpäi siirdelemäh elaijan palazii eri azendoh.

Moizii kniigoi livates minuu suututtau se, ku kirjuttajan ezittelyt allus da lopus kirjutetah vaiku suomekse libo ven'akse, ei karjalakse. Hos kui kiittelis, ezittelyn kirjuttai muga kui andau ellendiä, ku - korgies kul'tuuras kaččojen - nengomat diikoitgi voidas olla ihan kehityskelbozii ku vai kirjutettas kul'tuurukielel, ei nengomal perspektiivattomal kielel.

BUTTON_POST_REPLY