ven'alas-karjalaine paginsanakirju

[mp]

On piässyh ilmah kniigaine

Jelena Filippova:
Ven'alas-karjalaine paginsanakirju
96 s., Periodika 2009

Paginoppahakse libo tulkisanakniigaksegi moizii kniigoi sanotah. Enimyölleh sie on sanapuarua, kui

• смородина = čihoi

ga on virkehpuaroigi

• Самолет опаздывает = Lendokoneh myöhästyy

Sanasto on nygyaigastu turistan sanastuo da sendäh sie löydyy äijän mieldykiinittäjiä sanua vahnalegi karjalakse pagizijale. Myö ven'an kieldy maltamattomat senke voimmo vähäzel opastuo ven'an kieldy, hos i kirju ei ole kielih näh simmetrine - algupaginat ollah ven'akse da nellisivuine ven'ankieline kielioppi on vaiku karjalan kieles.

Lähisugukielien opastujile iluo da öntästysty tuvvah "kielahat ystävät". Paginsanakniigas otan täh kaksi sanua. "Pitkän matkan jälgeh motopyörä pidäy ruokkie hyvin." "Äijän olen Karjalas ajelluh. Voizin ruveta viettelijäkse, semmite konzu tulou täyzi autobusu čomua neičykkästy."