Jekaterina Borisova
Kaksi jogii
Ičen ilmahpiästetty, painoi Verso 2014, 56 s.
Tämän kniigazen minun nenän edeh sydäi kirjuttai, konzu olin kielioppiloi myömäs. Panen näyttehekse yhten runon. Oigiehkirjutustu vähäzen kohendelin.
Pešoin kummat / Ežmäine kummu
Oli hierus Pešoi-kulu
Kaikin Pešua nagrettih,
Astuu Pešoi hieruu myöte,
Koirat jälles haukuttih!
Kerran Peša kezoil lähti,
Sovat tuhjoh huškutti.
Uidelou da pajattau,
Tytöt rannal kačottih...
Tävvel keroil čiihoi Peša,
Vedes käžil bringutti
Tytöt sovat kopattih
Da štanit solmih sivottih.
Nouži vedes alasti -
Kuulou tytöt nagretah!
Čökkäi perzien žiiložikkoh:
- Vedehižet karratah!
Sit gu perzieh žiiloi čökkäi,
Zavedii gu mängymäh,
Kepin tabai, štanit jätti,
Da vastu mägeh juoksemah!
Tävvel keroil hälättäy,
Pitkil käzil bringuttau!
Hätken tytöt nagrettih,
Da hieruu myöte pedvattih!
Kiuzuamistu. Sidä vähäzen diivuičen, mindäh Ven'an karjalaine kirjuttau algusanat suomekse. Eigo karjal päi "metakieleksegi" kudamal kirjallizuttu ezitelläh?